El maqtany – Elena

Elena Rybakına 1999 jyl­dyń 17 maýsymynda Máskeýde dúnıege keldi. Balaýsa shaǵynan tennısti serik etip, túrli týrnırlerge qatysty. Sheber­ligi shyńdala kele jaqsy nátı­­jeler kórsete bastady. Alaı­­da onyń sporttyq bola­sha­ǵyna senimsizdikpen qaraǵan Reseı tennıs federasııasy tarapynan qajetti qoldaý kórsetilmegendikten, Rybakına 2018 jyly Qazaqstanǵa qonys aýdaryp, bizdiń elimizdiń aza­mattyǵyn alýdy qup kórdi. Ol kezde jasy 19-ǵa da tol­maǵan boı­jetken TOP-200 oıynshy­nyń qatarynda da joq edi. Al Qazaqstannyń týy astynda óner kórsetken kezden beri Elena eleýli ta­bys­tarǵa qol jet­­kize bas­tady. Byl­­tyr ol Ýım­bl­­­don­da aldyna jan salmaı, jarys jeńimpazy atandy. Bul – bizder úshin tarıhı sát! О́ıtkeni oǵan deıin Qa­zaqstannyń birde-bir ten­nısshisi «Úlken dýlyǵa» sana­tyndaǵy týrnırlerdiń jekelegen saıysynda top jarǵan joq. Bas júldeni oljalaý by­laı tursyn, tipti jarty­laı fınaldyq mejege de esh­kim jete almaǵan-tyn. Sol ol­qy­lyqtyń ornyn Elena Ryba­kına toltyra bastady.

Bıylǵy maýsym da Ry­bakına úshin asa tabysty ótip jatyr deýge bolady. Jyldyń basyn­da ol Melbýrnde ót­ken Aýstralııanyń ashyq birin­shiliginde nebir ataqty ten­nısshilerdi jolynan yǵys­tyryp, osy dodanyń aqtyq synyna deıin alqynbaı jetti. Tipti álemniń birinshi raketkasy, polshalyq Iga Shventektiń ózi Elenanyń ekpinine shydaı almady. Biraq sheshýshi tusta ol belorýssııalyq Arına Sobo­lenkodan utyldy.

Naý­ryz aıynda otandasy­myz Indıan-Ýellstegi asa iri halyqaralyq týrnırde top jardy. Atalǵan jarysta ol Shventekti qaıtadan san soq­tyryp, Sobolenkodan esesin de qaıtardy. Ile-shala Maıa­mıdegi taǵy bir asa dúbirli WTA dodasynda fınalǵa deıin jetti. Ol jerde de biraz oljaǵa keneldi. Sóz oraıy kelgende, Elena Rybakına sol jarys­tarda alǵan syıaqylarynyń bir­az bóligin Qazaqstannyń jas tennısshilerine stıpendııa re­tinde taratyp bergenin de aı­ta ketken abzal.

Bul kúnderi Rybakına Ger­manııanyń Shtýtgart qala­synda shymyldyǵy túrilgen WTA 500 jarysyna qatysyp jatyr. Júlde qory 780 637 eýrony quraıtyn týrnırdiń tusaýkeser kezdesýinde, ıaǵnı keshe keshkisin Elena jergilikti tennısshi Iýle Nımaıermen sheberlik baı­qasty.

Qazirgi kez­de Elena Ryba­kına álemniń jetinshi raketkasy atanyp otyr. Osy kún­ge deıin Qa­zaq­stan­nyń bir­de-bir ten­nıs­­shisi osyn­daı dá­rejege jet­ken emes. Biraq jerlesi­mizdiń bul mejeni qanaǵat tut­paıtyny anyq. 23 jas­taǵy tennısshi basqa da már­tebeli jarystarda tabys­ty óner kórsetip, tórt­kúl dúnıeniń teńdessizi, ıaǵnı birinshi raketkasy atanýdy kóz­­deıdi. Oǵan onyń qarym-qa­bileti jetedi. Biz jerlesimizdiń jul­dyzdy sátteri áli alda dep bilemiz.