– Qazirgi ýaqytta janarmaı quıý stansalarynyń qorlarynda dızel otyny – 1527,3 tonna (táýliktik qajettilik 348 tonna, 6 kúnge), AI-92 – 2711,1 tonna, (táýliktik qamtamasyz etilýi 7-8 kún), sondaı-aq, AI- 95 markaly benzın – 2150,9 tonna. Búgingi kúni 52 JJM stansalarynda dızel otyny tapshy. Janar-jaǵarmaıdyń shekti baǵalary bekitilgennen keıin, oblysta barlyq janar-jaǵarmaı quıý stansalary ótken kólem qaldyqtaryn satýǵa baılanysty jańa baǵa dálizine kóshken joq. Mysaly, Kegen aýdanynda dızel baǵasy 230 teńge kúıinde bolsa, Qarasaı, Jambyl aýdandaryndaǵy «Qazaq Oil» jáne «GASENERGY» jelilik janarmaı quıý beketterinde burynǵy baǵamen satylýda. Janar-jaǵarmaı quıý stansalary sharýashylyq sýbektiler bolǵandyqtan, onyń ıeleri shekti baǵalardy eskere otyryp, JJM baǵasyn kóterý týraly sheshimdi ózderi qabyldaıdy, deıdi oblystyq kásipkerlik jáne ındýstrııalyq-ınnovasııalyq damý basqarmasy, saýda damytý bóliminiń basshysy Ádil Ábildaev.
Bas mamannyń málimetinshe, AI-92 markaly benzın baǵasynyń ósýi Kegen jáne Raıymbek aýdanynan basqa barlyq óńirlerde 202 teńge bolyp belgilengen.
