Qazirgi kúni AI-92 benzıni boıynsha eń tómengi baǵany «Monolıt» (lıtri 178 teńge) pen «Qazaqoıl» (182 teńge) stansalary usynyp otyr. Degenmen talon túrinde alsańyz lıtri keminde 200 teńgeden satylady. Iаǵnı bul kompanııalar aldaǵy ýaqytta suıyq otynnyń baǵasyn ósiretinine kúmán joq.
Al «Gelıos», «Pegas», «Gazpromneft» baǵany kóterip tastady. Eń qymbat benzın «Gazpromneft» stansalarynda tirkeldi (lıtri – 205 teńge). Ataýly benzınniń lıtri «Gelıosta» - 201, «Pegasta» 199 teńge turady. «Petrol» men «Parkovaıa» kompanııalary avtokólik otynynyń baǵasyn sáıkesinshe 185 jáne 192 teńge deńgeıinde ustaǵanymen, bulada dızel otyny joq.
Ertistiń Pavlodar óńiri bir aıda shamamen 9-10 myń tonna dızel, 7 myń tonna benzın tutynady. О́ńir boıynsha 147 janarmaı quıý stansasy bar bolsa, bólshek saýdadaǵy eń irileri – «Monolıt» (14 stansasy bar), «Petrol» (11), «Pegas» (15), «Gelıos» (21), «Qazaqoıl» (14) jáne «Gazpromneft» (3) jelileri. «Qazaqoıl» operatory janar-jaǵarmaıdy tolyqtaı «Qazmunaıgazdan», ózgeleri «PETROSUN» seriktestiginen alady.
