Qylmystyq is Alǵa aýdandyq sotynda qaraldy.
Is materıaldary boıynsha, aýdandyq bilim bóliminiń basshysy oqý ortalyǵyn ashqan. Bıznesti júrgizý úshin ózine tanys kásipkerdiń atyn paıdalanǵan. Balalarǵa qosymsha bilim berý qyzmetin kórsetý úshin konkýrsqa túsip, 1,2 mln teńge kóleminde grant utyp alǵan.
Oǵan qosa, jetim, ata-anasynyń qamqorlyǵynsyz qalǵan, tumys deńgeıi tómen, kópbalaly otbasylardan shyqqan balalardy, múgedektigi bar 300 balany 12 kúndik lagerge jiberýdi josparlaǵan. Joldama satyp alýǵa 18850000 teńge bólingen. Nátıjesinde konkýrs sharttary ózgertilip, balalar lagerge 12 kúnge emes, 7 kúnge jiberilgen. Aıta keterligi, lagerge attanǵan 203 balanyń 160-y arnaıy sanatqa jatpaıtyny anyqtaldy.
«Sottalýshynyń zańsyz áreketteriniń nátıjesinde bilim bólimi seriktestik shotyna 10280674 teńge somasynda bıýdjet qarajatyn negizsiz aýdardy. Qylmystyq is Aqtóbe oblysy prokýrorynyń orynbasary men sottalýshy arasynda jasalǵan kináni moıyndaý týraly prosestik kelisimmen sotqa kelip tústi. Sottalýshy sot otyrysynda óz kinásin moıyndap, belgilengen jazamen kelisetinin aıtty. Prokýror sottalýshyny jazany óteýdiń búkil merzimi ishinde jyl saıyn 100 saǵattan májbúrli eńbekke tarta otyryp, 3 jyl 6 aı merzimge bas bostandyǵynan aıyrý túrindegi jaza taǵaıyndaýdy surady.
Sot tarapynan Aqtóbe oblystyq bilim basqarmasynyń basshylyǵyna jeke qaýly shyǵaryldy. Sot úkimi zańdy kúshine engen joq», delingen oblystyq sottyń baspasóz qyzmeti taratqan habarlamada.
