2023 jylǵy 1 shildeden bastap «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańynda qabyldanǵan Eńbek kodeksine ózgerister engiziledi.
Eńbek kodeksine sáıkes bes kúndik nemese alty kúndik jumys aptasy, sondaı-aq tolyq emes jumys aptasy qarastyrylǵan (uzaqtyǵy taraptardyń kelisimi boıynsha anyqtalady).
Bul rette jekelegen óndiristerde ártúrli aptalarda bir mezgilde bes kúndik jáne tórt kúndik jumys aptasyn belgileý qajettiligi týyndaıdy: 71-baptyń 3-tarmaǵy jumys ýaqyty rejımi kelesi mazmundaǵy ekinshi bólikpen tolyqtyrylady:
«Taraptardyń kelisimi boıynsha eńbek shartynda bes kúndik nemese alty kúndik jumys aptasymen kezektesý quqyǵymen tórt kúndik jumys aptasyn belgileýge jol beriledi».
Osyǵan baılanysty 78-baptyń 2-tarmaǵy ústeme jumystardyń shekti sanyn 4, 5 kúndik jumys aptasyna bóledi:
«Ústeme jumystardyń jalpy uzaqtyǵy jumys ýaqytynyń jıyntyq esebin belgileý kezinde aıyna on eki saǵattan - tórt kúndik, bes kúndik jáne alty kúndik jumys aptasynda jáne jylyna júz jıyrma saǵattan aspaýǵa tıis».
Buǵan deıin qalaı boldy?
78-bap. Ústeme jumystardyń shekti sany.
Ústeme jumystyń jalpy uzaqtyǵy aıyna on eki saǵattan jáne jylyna júz jıyrma saǵattan aspaýǵa tıis.
Endi ne ózgeredi?
78-bap. Ústeme jumystardyń shekti sany.
Ústeme jumystardyń jalpy uzaqtyǵy jumys ýaqytynyń jıyntyq esebin belgileý kezinde aıyna on eki saǵattan - tórt kúndik, bes kúndik jáne alty kúndik jumys aptasynda jáne jylyna júz jıyrma saǵattan aspaýǵa tıis.
Tıisinshe, 84-bapta tórt kúndik jumys rejıminde demalys kúnderi belgilenedi.
Bes kúndik, alty kúndik nemese tórt kúndik jumys aptasynda jalpy demalys kúni jeksenbi bolyp qala beredi. Bes kúndik jáne (nemese) tórt kúndik jumys aptasyndaǵy ekinshi nemese úshinshi demalys kúni ujymdyq shartta nemese eńbek tártibiniń erejelerinde belgilenedi.
Ázirleýshilerdiń pikirinshe, bes kúndik jumys kestesimen jumys isteýdiń bir aptasy, tórt kúndik jumys aptasymen ekinshi apta sııaqty jumys rejımin qoldanýǵa bolady. Bul tájirıbe keńse qyzmetkerlerine qoldanylady jáne eńbek salasyndaǵy halyqaralyq standarttarǵa sáıkes keledi.
