Saıasat Nurbek UBT-da mazmuny jaǵynan máseleler baryn, onyń jattandy júıege aınalyp ketkenin atap ótti. Ári osy salany jemqorlyq jaılaǵanyn jasyrmady. Mınıstr oqýshylar tek óz bilimine senýi kerek dedi.
Osy tusta ol ulttyq biryńǵaı testileý júıesi ózgeretinin aıtty.
«Osydan úsh jyl buryn úlken joba bastadyq. Kembrıdj ýnıversıtetimen birigip, UBT-nyń suraqtaryn túbegeıli ózgertip jatyrmyz. Bıyl 350 test daıarlaıtyn adam oqytylady, sertıfıkasııadan ótedi. Bes myń jańa mazmundy suraq daıyndaıdy. SAT halyqaralyq emtıhanyna uqsatyp jasalady. Ol jerde jyldamdyq emes, naqty fakt emes, adamnyń oılaý qabileti baǵalanady. Biraq ony bıyl, asyǵys tez engizbeımiz. Biz balalardy daıyndaýymyz kerek. Kelesi jyldan bastap UBT mazmuny men formaty da ózgeredi», dedi Saıasat Nurbek.
