Jeńimpaz komandalardy marapattaý rásimine Astana qalasynyń Dene shynyqtyrý jáne sport basqarmasynyń basshysy Samat Jylqybaev, QR Parlamenti Májilisiniń depýtaty Pavel Kazansev jáne Astana qalasy máslıhatynyń depýtaty Nurlan Mýslım qatysyp, júldeli oryndarǵa ıe bolǵan burymdy qyzdardy quttyqtap, jyly lebizderin bildirdi.
«Elimizde áıelder hokkeıiniń damýyna, ásirese bolashaq chempıondardy bala jastan tárbıeleýge erekshe kóńil bóline bastady. Oǵan búgingi jarys dálel bolyp otyr. Byltyr el chempıonatyna 5 komanda kelip edi. Bıyl kórsetkish 7-eýge jetti. Iаǵnı jyl ótken saıyn osy sport túrine degen qyzyǵýshylyq artyp keletinin baıqap otyrmyz. Qyzdardyń deńgeıi de jaqsy. Oıyndar óte tarysty ótti. Birneshe qyz erekshe qabiletimen kózge tústi. Sáıkesinshe, ulttyq quramaǵa laıyqty izbasarlar ósip keledi degen sóz», deıdi áıelder hokkeıiniń jetekshisi Bulbul Qartańbaı.
Jarys qorytyndysy boıynsha «Astana» komandasy bas júldeni jeńip aldy. Úzdik úshtikti Almaty men О́skemen qalasynyń quramalary túıindedi.
