Jergilikti turǵyndar úı aýlasynda sharbaq ornatý úshin shuńqyr qazǵan, sol kezde kóne jádigerdi taýyp alǵan kórinedi.
«Aǵalarymmen birge jer qazyp jatyr edik. Kenetten kitap betteri sııaqty zattar, topyraqpen aralas shyǵa bastady. Arabsha jazylǵan qaǵaz ekendigin baıqady. Topyraqty aqyryndap arshyp qalǵan bóligin alyp shyqtyq. Eshteńege oralmaǵan. Betterine jyldar boıy ylǵal tıip bir-birine jabysyp qalǵan eken. Endi ony mamandar bir-birden ajyratar. Qazir úıde tur. Biz ony suraǵan mamandarǵa berýge daıynbyz», deıdi aýyl turǵyny Sábıt Muqanov.
Qurannyń biraz bóligi kúrek tıip búlingen. Al qalǵanyn tutas kúıinde qalǵan.
Kitaptyń qaı ǵasyrǵa tıesili ekendigi belgisiz. Dese de, ábden eskirgen betterde jazylǵan jazýlar áli de joıylmaǵan eken.
