Almaty, Astana jáne Shymkent qalalary ornalastyrý oryndarynda qyzmet kórsetilgen týrıster sanymen kósh bastap tur. 2022 jyly Qazaqstanda ornalastyrý oryndarynyń qyzmetterin paıdalanǵan týrısterdiń jalpy sany 7,3 mln adamǵa jetti. Bul sannyń 45 paıyzdan astamy úsh megapolıske tıesili. Sonymen qatar, tek ishki týrısterdiń jalpy sany 8,6 mln adamdy qurady.
Máselen, Almatyda bul kórsetkish 1,8 mln adamǵa (417,4 myń — sheteldik týrıster), Astanada — 1,2 mln-ǵa jýyq adamǵa (238,5 myń sheteldik) jetti, al Shymkentke 450 myńǵa jýyq demalýshy (36,5 myń sheteldik) kelgen. Ishki jáne syrttan kirgen týrıster eń az aıaldaǵan óńirlerdiń qataryna Ulytaý oblysy kirdi. Munda 25 myńnan astam adam toqtaǵan. Odan keıin Qyzylorda jáne Batys Qazaqstan oblystary tur. Atalǵan eki óńirdegi ornalastyrý qyzmetterin 100 myń adam paıdalanǵan.
Aıta keteıik, 2029 jylǵa deıin Mádenıet jáne sport mınıstrligi Qazaqstandaǵy ishki týrıster sanyn 11 mln adamǵa, al syrttan keletin týrıster sanyn 4 mln adamǵa deıin jetkizýge nıetti. Ol úshin jaqynda qabyldanǵan týrıstik salany damytý tujyrymdamasynda naqty is-sharalar kózdelgen.
