Dın Lıjen úshin chempıonattyń 12-partııasy jalpy eseptegi tarazy basyn teńestirip, tájge talasý múmkindigin saqtap qalatyn sońǵy oıyn bolatyn. О́ıtkeni shahmatshylar bul joly da teń túser bolsa, Iаn Nepomnıashıı aq tastarmen oınaıtyn 13-týrda chempıonat taǵdyryn sheship ketýi ǵajap emes edi. Dese de, Dınniń bul partııada jeńiske jetýine reseılik grossmeısterdiń ózi kómektesip jiberdi. Sebebi Nepomnıashıı kezdesýdiń 27-júrisinde bir, 38-shi júrisinde ekinshi ret qatelesip, óz ýysynda turǵan 0,5 upaıynan qaraptan-qarap aıyrylyp qaldy.
Sondaı-aq bul partııada Dın Lıjenniń jeńiske jetýine osydan birneshe jyl buryn Qytaıdaǵy «I am a singer» án baıqaýy arqyly búkil álemge tanymal bolǵan qandasymyz Dımash Qudaıbergenniń júrisi sáttilik alyp keldi deýge bolatyn shyǵar. О́zderińiz biletindeı, klassıkalyq shahmattan álem chempıonatynyń dástúri boıynsha ár partııanyń aldynda matchtyń resmı júrisin Qazaqstannyń jáne álemniń tanymal tulǵalary jasap otyrady. Bul jolǵy alǵashqy júristi jasaý álemdegi án áleminiń juldyzy Dımash Qudaıbergenge buıyrdy.
Endi aldaǵy eki partııada 1,5 upaı jınaǵan shahmatshy álemniń 17-chempıony atanady. Iаǵnı bolashaq chempıonǵa endi bir oıynda jeńiske jetip, bireýinde teń tússe jetip jatyr. Al eger eki úmitker de aldaǵy eki partııada teń oınaıtyn bolsa, onda jeńimpaz esimi 30 sáýirge josparlanǵan taı-breıkte anyqtalady.
Taı-breık erejesi boıynsha, shahmatshylar aldymen rapıd boıynsha tórt partııa oınaıdy (ár partııa 25 mınýtqa jalǵasady). Eger bul jerde de jeńimpaz anyqtalmasa, onda blıs boıynsha jeńimpazdy anyqtaýǵa tyrysady. Alda-jalda bul kezeńde de chempıonnyń esimin anyqtaý múmkin bolmasa, onda qarsylastar «Armageddon» júıesi boıynsha sheberlik baıqasady. Iаǵnı bul jerde aq tasqa bes mınýt, qara tas ıesine tórt mınýt ýaqyt beriledi.
