Azııa chempıonatynyń ashylý saltanatyna Mádenıet jáne sport mınıstri Ashat Oralov, «IBSA» (Dúnıejúzilik Paradzıýdo uıymy) tóraǵasy Iаnosh Tardos jáne Astana qalasy ákiminiń orynbasary Eset Báıken qatysyp, sportshylarǵa sáttilik tiledi. Sonymen qatar resmı is-shara barysynda byltyrǵy álem chempıonatynyń jeńimpazdary – Aqmaral Naýatbek pen Erǵalı Shameı «Qazaqstan Respýblıkasynyń Eńbek sińirgen sport sheberi» sporttyq ataǵymen marapattaldy. Sondaı-aq sportshylardy daıarlaǵan bapker Dáýren Orazov «Qazaqstan Respýblıkasynyń Eńbek sińirgen jattyqtyrýshysy» sporttyq ataǵyna ıe boldy.
Sóıtip, úsh kúnge jalǵasqan baıraqty básekeniń alǵashqy jarys kúninde jerlesterimiz eki altyn, eki kúmis jáne bir qola medaldy qorjynǵa saldy. Atap aıtqanda, Daıana Fedosova (57 kg, J2) men Erǵalı Shameı (73 kg, J1) chempıon atansa, Aqmaral Naýatbek (52 kg, J2) kúmis, Oljas Orazaly (73 kg, J2) qola medal enshiledi.
Erǵalı Shameı bas júlde úshin ótken beldesýde ózbekstandyq Shohrýh Mamedovten basym tússe, Daıana Fedosova da ońtústiktegi kórshimizdiń burymdy balýany Kýmýshon Hodjaevadan aılasyn asyrdy. Al byltyrǵy álem chempıony Aqmaral Naýatbek fınalda О́zbekstan sportshysyna jol berip qoıdy.
Azııa chempıonatynyń ekinshi kúnine josparlanǵan básekelerde Alfııa Tilekqabyl (57 kg) J1 sanatynda, Janbota Amanjol (90 kg) J2 sanatynda jeńis tuǵyryna kóterildi. Bul – 16 jastaǵy Alfııanyń alǵashqy Azııa chempıonaty. Ol paradzıýdodan Qazaqstan ulttyq quramasyna bıyl qosylǵan bolatyn.
A.Tilekqabyl fınalda ózbekstandyq sportshy Hosıatkhon Pozıljanovany ıppon ádisimen jeńse, Janbota elimizdiń taǵy paradzıýdoshysy Ǵalymjan Smaǵululymen beldesip, asa tartysty ótken básekede óz myqtylyǵyn dáleldedi. Ǵalymjan kúmis júldege ıe boldy.
Sonymen qatar jarystyń ekinshi kúninde Erlan Konkıev (+90 kg, J2) pen Baýyrjan Arystanbekov (90 kg, J1) fınalda súrinip, kúmis júldege ıe bolsa, Dıloram Dıhanova (57kg, J1), Dınara Kýdjýlova (70 kg, J1), Zaýre Aıtek (70 kg, J1), Talǵat Ájiǵalıev (+90 kg, J2) jáne Erlan О́tepov (90 kg, J1) Azııa chempıonatynyń qola júldegerleri qatarynan kórindi.
«Qazaqstan quramasy Azııa chempıonatyn josparlaǵanymyzdaı sátti aıaqtady. Dese de biz úshin Azııa chempıonaty aıaqtaldy dep aıtýǵa áli erte. Erteń komandalyq jarysta baq synaımyz. Jekeleı saıys boıynsha qurama jospardy tolyq oryndady. Azııa chempıonatynda jeńimpaz jáne júldeger atanǵan sportshylardyń basym bóligi quramaǵa bıyl qosylǵan jas balýandar. Osyndaı álemdik dárejedegi alǵashqy jarystaryna qatysty. Olardyń keıbireýleri, mysaly Alfııa saýsaǵynyń synǵanyna qaramastan kúresip, jankeshtilik tanytty. 16 jasynda Azııa chempıony atandy. Paradzıýdoda osal sportshy degen bolmaıdy. Munda tatamıge shyqqan árbir balýan erekshe qurmetke ıe jáne olardyń erik-jigeri bárimizge úlgi dep oılaımyn», deıdi Qazaqstan quramasynyń bas bapkeri Jandos Qııanov.
Astana tatamıindegi Azııa chempıonatynda Qazaqstan quramasynan bólek, О́zbekstan, Qyrǵyzstan, Japonııa, Mońǵolııa, Úndistan, qytaılyq Taıpeı, Indonezııa, Iran, Ońtústik Koreıa jáne Taıland quramasynyń ókilderi beldesti. Jalpykomandalyq esepte О́zbekstan quramasy 4 altyn, 6 kúmis, 3 qola medalmen kósh bastasa, Iran balýandary 3 altyn jáne 2 qola júldemen úzdik úshtikti túıindedi.
