ShQO Densaýlyq saqtaý basqarmasynyń málimetine súıensek, «103» jedel arnasyna qońyraý shalǵan áıel anasyna kómek kórsetýdi suraǵan.
«Feldsherler Erasyl Altaıuly men Tilegen Tólepbergenov shaqyrtý ornyna 10 mınýt ishinde kelip jetti. Tekserý kezinde 81 jastaǵy ájeniń jaǵdaıy kenetten nasharlap, júregi toqtap qalǵan», delingen aqparatta.
Sol kezde jedel járdem qyzmetkerleri shuǵyl túrde júrek-ókpe reanımasııasyn jasady. Abyroı bolǵanda, sodan keıin ájeniń júregi qaıta soǵyp, tynys ala bastady.
Aýrýhanaǵa jetkizilgen soń keıýananyń jaǵdaıy jaqsara bastady.
