ÝEFA Atqarýshy komıteti byltyr kúzde áıelder arasynda ÝEFA Ulttar lıgasyn ótkizý týraly sheshim qabyldaǵan bolatyn. Jarys 2024 jylǵy Parıj Olımpıadasy men Eýropa jáne álem chempıonattarynyń irikteý kezeńderi retinde ótedi.
Jańa format áıelder arasynda 2025 jylǵy Eýropa chempıonatynda alǵash ret qoldanylady. 2023 jyldyń kúzinen bastap jańa júıe ÝEFA Ulttar lıgasy men Eýropa irikteý kezeńin biriktiredi. Jarys erejesi boıynsha ulttyq quramalar dıvızıondar arasynda aýysady (joǵarylaıdy nemese tómendeıdi), sonymen qatar Ulttar lıgasynyń fınaldyq kezeńin sarapqa salady.
Jerebe qorytyndysy boıynsha Qazaqstannyń qyzdar quramasy «S» lıgasynyń 4-tobyna tústi. Onda bizdiń qyzdar Izraıl, Estonııa jáne Armenııa quramalarymen kezdesedi. Ulttar lıgasy týrnıriniń matchtary 20 qyrkúıekte bastalyp, 5 jeltoqsanǵa deıin jalǵasady.
