Páter tartý etti

Bul joly «Zeket jáne qaıy­rymdylyq» qory «El úlesi páterge» aksııasy aıasynda Qara­ǵan­dy qalasynyń turǵyny Qur­manǵazy Júnisovke tórt ból­meli páterdiń kiltin tabystady. Qurmanǵazy – on jyldan beri «Ánet baba» meshitinde aýla sy­py­rýshy. Sonymen qatar bes júz­den asa otbasy azyq-túlik sebetin aldy.

Qaraǵandy oblysyna jumys saparymen kelgen Qazaqstannyń Bas múftıi Naýryzbaı qajy Taǵanuly «Ánet baba» meshiti men «Zeket jáne qaıyrymdylyq» qorynyń qaıyrymdylyq aksııa­laryna, MUNARA TV te­lear­nasynyń fılıaly men meshit janyndaǵy otbasylyq-konsýl­tatıvtik ortalyqtyń ashylýyna qatysty.

– Qazaqstan musylmanda­ry­ dinı basqarmasy bıylǵy jyldy dinı saýattylyq aıasynda «Islam jáne izgi qoǵam» dep jarııalady. «Ánet baba» meshitinde bıyl nekege turǵan jas otbasylarmen kezdesý ótti. Biz olarmen otbasylyq qundylyqtar týraly sóılestik. Basqarma úlken qaıyrymdylyq jumystaryn júrgizip jatyr. Bul – «El úlesi páterge» aksııasy boıynsha az qamtylǵan azamattarǵa páter tabystaý jáne azamattardy emdeýge qoldaý kórsetetin «О́mirge úmit syıla» jobasy, – dedi Bas múftı Naýryzbaı qajy Ta­ǵanuly.

«Zeket jáne qaıyrymdylyq» qorynyń Qa­raǵandy oblysyn­daǵy jaýapty ókili Mıras Er­lan­uly qor arqyly kóptegen muqtaj adamnyń biraz máselesi sheshilgenin aıtady. Qordyń demeýshileri bar.

– Máselen, Qaraǵandy oblysynan bes otbasy emdelýge qarajat aldy. Qurmanǵazy Júnisovke Suryptaý stansasynan páter satyp aldyq. Bul – jyl basynan beri syıǵa tartqan ekinshi páter. Ramazan aıynda kópbalaly otbasyna baspana berildi. Jazda taǵy tórt páterdiń kiltin tabystaýdy josparlap otyrmyz. О́tken jyly Qaraǵandy oblysynda biz 11 páter syıǵa tarttyq, – deıdi Mıras Erlanuly.

Qaraǵandy