Energetıka mınıstrliginiń málimetinshe, 47 energııa óndirýshi uıymnyń 27-si shekti tarıfterdi túzetýge ótinim bergen. 20 energııa óndirýshi uıym úshin tarıf burynǵy deńgeıde saqtalatyn bolady.
Baǵanyń qymbattaýyna jóndeý jumystaryna qajet materıaldar men jabdyqtar qunynyń ósýi sebep bolyp otyr.
Elimizdegi energııa óndirýshi uıymdarynyń generasııalaýshy qýattarynyń jartysynan kóbiniń tozyǵy jetken. Tipti keıbireýi isten shyǵyp qalýdyń az-aq aldynda tur. Máselen, Stepnogor JEO-nyń tozý deńgeıi - 82 paıyz, Rıdder JEO - 75 paıyz, Oral JEO - 86 paıyz. 90 paıyzǵa deıin tozyp ketken JEO-lar da bar.
Sondaı-aq QR Energetıka mınıstrligi Memleket basshysy Qasym-Jomart Toqaevtyń tapsyrmasy sheńberinde stansııa qyzmetkerleriniń jalaqysynyń deńgeıin tıisti óńirler boıynsha ortasha deńgeıge deıin arttyrý boıynsha jumys júrgizýde. Shekti tarıf jobasynda óndiristik personal jalaqysynyń ulǵaıýy da eskeriledi. Bul energetıkalyq kásiporyndardan ekonomıkanyń aralas salalaryna joǵary bilikti mamandardyń ketýin toqtatýǵa baǵyttalǵan.
QR Ulttyq ekonomıka mınıstrliginiń Tabıǵı monopolııalardy retteý komıteti energııa óndirýshi uıymdardyń shekti tarıfterin arttyrýdyń halyqtyń áleýmettik ál-aýqatyna áserine taldaý júrgizip jatqanyn atap ótti.
Aıta keteıik, elektr energııasy tarıfi ótken jyly da 1 shildeden bastap qymbattaǵan edi.
Sol boıynsha qazirgi tarıf quny mynadaı:
