Tashkent tórindegi alǵashqy aıqasyn sátti ótkizip, Taıland ókili Sakda Rýamtamdy aıqyn basymdyqpen jeńgen Talǵat Syrymbetov (60 kg) ekinshi aınalymda 2022 jylǵy Azııa chempıony ıordanııalyq Abý Jaemen judyryqtasyp, tóreshiler sheshimimen jeńilip qaldy.
Alǵashqy raýndta Syrymbetov qarsylasyna qaraǵanda belsendi bolyp, dál soqqyny kóbirek darytsa da, bes tóreshiniń tórteýi jeńisti ıordanııalyq boksshyǵa berip jiberdi. Ekinshi raýndta Abý Jae Talǵatqa judyryqtasýǵa esh múmkindik bermeı, jıi qushaqtaı berdi. Sol úshin ol tóreshi tarapynan eskertý alyp, basymdyq otandasymyzǵa qaraı aýdy.
Tarazy basy teńesken soń, úshinshi raýnd aldynda jankúıerler jerlesimizdiń jeńisine senimdi bolǵan edi. Alaıda jekpe-jekten keıin tóreshilerdiń oıy basqasha bolyp shyqty. Úsh raýndtyń qorytyndysy boıynsha Abý Jae jeńimpaz atandy – 4:1
