Ekijaqty kezdesý barysynda Almaty qalasy kásipkerler palatasynyń basqarýshy dırektory Narıman Ibragımov: «Pandemııadan keıin ekonomıkany jandandyrý úshin álem elderi osy salada túrli tetikterdi iske qosyp jatyr. Bizdiń Úkimetimiz de týrızm men aýyl sharýashylyǵyn damytýdy kózdeıdi. Sondyqtan Qytaımen josparly túrde vızasyz rejimdi engizý tıimdi quralǵa aınalady dep oılaımyn», dedi.
Spıker Syrtqy ister mınıstrligi «Qazaqstan Úkimeti men Qytaı Úkimeti arasyndaǵy vızalyq talaptardan ózara bosatý týraly kelisimge qol qoıý týraly» Úkimet qaýlysynyń jobasyn qoǵamdyq talqylaýǵa usynylǵanyn, mamyrda osy kelisimge qol qoıylatynyn eske saldy.
Tıisti mámilege sáıkes otandastarymyz Qytaıda vızasyz, al Qytaı azamattary Qazaqstan aýmaǵynda shekaradan ótken sátten bastap 30 kúnnen jáne 180 kúndik merzimde 90 kúnnen aspaıtyn merzimde bola alady. Vızasyz rejimge týrıstik, jeke jáne iskerlik saparlar úshin ruqsat etilmek.
«Birinshiden, vızasyz rejim týrıster leginiń artýyna ıgi áser etedi. Bul baǵytta Almatynyń taý týrızminen bastap, qalanyń kórikti jerlerine deıingi áleýeti zor. Qazirdiń ózinde týrıstik aǵynnyń artýy baıqalady», dedi Almaty qalasy kásipkerler palatasynyń tóraǵasy Áýez Táımbetov.
Máselen, «DATA HUB» birinshi nesıelik bıýrosynyń Telegram kanaly Qazaqstan qonaqúıleri 2022 jyly rekordtyq tabysqa qol jetkizgen. Bul 2021 jylmen salystyrǵanda 73,8 mlrd teńgege artyq. Salystyrmaly baǵada (ınflıasııaǵa túzetilgen) jyldyq ósim 55,3% qurady dep jazady.
Oń jetistikterge barlyq kórsetkishterdiń ósýi áser etip otyr.
Týrıstik qyzmet kórsetilgen kelýshiler sany 34%-ǵa (7,3 mln adamǵa deıin), bos qalmaǵan kúndik tósek-oryndar 28,1%-ǵa (11,5 mln tósek-kúnge deıin), bir túnniń ortasha quny 20,5%-ǵa (11 myń teńgege deıin) ósken.
О́z kezeginde Qytaı delegasııasynyń ókili, Qytaıdyń Hýnan ólkesi Saýda palatasynyń kishi komıteti tóraǵasynyń orynbasary Iý.Bınrýı provınsııanyń ekonomıkalyq múmkindikterine toqtaldy.
«Bizdiń Hýnan aımaǵy Qytaıdyń ońtústiginde, taýly aımaqta ornalasqan. Qytaıdaǵy eń tanymal týrıstik baǵyttardyń biri. Hýnan provınsııasynyń ónerkásibi de damyǵan. Bizdiń ekonomıkamyz tústi metallýrgııa, temir, bolat, elektr energııasyn óndirý, mashına jasaý, kómir, hımııa, toqyma men tamaq ónerkásibi, elektronıkaǵa negizdelgen. Jer bederiniń erekshelikterine baılanysty oblysta aýyl sharýashylyǵy jaqsy damyǵan, negizinen kúrish egemiz. Biz yntymaqtastyqqa da, ımportqa da, eksportqa da múddelimiz», dedi Iý.Bınrýı.
Qytaı delegasııasyn Hýnan provınsııasyndaǵy Qytaı Saýda palatasy kishi komıtetiniń vıse-prezıdenti Iý.Bınrýı, Hýan Lýodań, Hýnan provınsııasyndaǵy Qytaı Saýda palatasy kishi komıtetiniń halyqaralyq baılanystar departamenti dırektorynyń orynbasary Shı Chenın bastap keldi. Delegasııa quramynda Hýnan provınsııasyndaǵy Qytaı Saýda palatasy kishi komıtetiniń Saýda jáne ınvestısııalardy yntalandyrý departamentiniń basshysy, Delegasııa quramynda ekologııa jáne qorshaǵan ortany qorǵaý, kólik jáne logıstıka, sondaı-aq ınvestısııa salalarynyń ókilderi boldy.
Kezdesý barysynda taraptar óńirler arasyndaǵy yntymaqtastyq týraly memorandýmǵa qol qoıdy. Sondaı-aq almatylyq kásipkerlermen B2B kelissózderi júrgizilip, onda qytaılyq seriktester tıimdi eksport máseleleri boıynsha keńes berdi.
ALMATY
