Qazaqstan tennıs federasııasy usynǵan málimetine súıensek, Shymkent qalasynda Azııa - Tynyq muhıt aımaǵy boıynsha ótip jatqan irikteý týrnıriniń jartylaı fınalynda Iаroslava Shvedovanyń shákirtteri álemdegi úzdik quramalardyń biri, jasóspirimder arasynda Bıllı Djın Kıng kýboginiń bes dúrkin chempıony - Aýstralııa quramasyn 2:0 esebimen jeńdi.
Birinshi oıynda Arıana Gogýlına sátti óner kórsetip, 7:5, 3:6, 7:5 esebimen utty. Ol birinshi partııada 2:5 esebimen jeńilip jatyp, qatarynan bes geımdi aldy.
Al Polına Slepsova Aýstralııa kóshbasshysy Tahlııa Kokkınısti artta qaldyrdy. Esep - 7:5, 6:4.
Osylaısha, Qazaqstan jasóspirimder quramasy osy jyldyń kúzinde ótetin álem chempıonatynda baq synaıdy.
Aıta ketsek, erteń, 6 mamyr kúni fınalda qazaq qyzdary Japonııa nemese Ońtústik Koreıanyń bireýimen kezdesedi.
