Sharshy alańǵa birinshi bolyp Dýlat Bekbaýov shyqty. Ol 67 kelige deıingi salmaqtaǵy 1/16 fınal kezeńinde Rýmynııa ókili Andreı Mýstetti aıqyn basymdyqpen jeńdi.
Odan keıin 71 keli salmaqta 1/16 fınalda Aslanbek Shymbergenov Trınıdad jáne Tobago boksshysy Aaron Prınsti jeńdi.
«Alǵashqy jekpe-jek bolǵandyqtan qıyn boldy. Alty kún demalǵanym belgili boldy. Qarsylas jaqsy boksshy bolyp shyqty, tájirıbesi bar. Eń bastysy jeńdim. Qudaı qalasa jeńemiz. Jeńiske jetip, elge medalmen oralý úshin bar kúsh-jigerimizdi salamyz», dedi Aslanbek Shymbergenov.
Búginge deıin Qazaqstan erler quramasy sapynan 2023 jylǵy álem chempıonatyna qatysatyn úsh boksshy jarys jolynan shyqty. Endi Talǵat Syrymbetov (60 keli), Sanatáli Tóltaev (63,5 keli) jáne Aıbek Oralbaı (92 keli) júldege talaspaıdy.
