«Búginnen bastap BQO polısııa departamentin 48 jastaǵy Arman Orazalıev basqarady. Ol osy qyzmetke taǵaıyndalǵanǵa deıin Ishki ister mınıstrligi krımınaldyq polısııa basqarmasy bastyǵynyń orynbasary qyzmetin atqarǵan», delingen habarlamada.
Buǵan deıin BQO polısııa departamentin Mahsýdhan Áblázimov basqarǵan. Ol 2016 jylǵy maýsymdaǵy teraktiden keıin birden Aqtóbe oblysynan aýystyrylǵan edi. Odan keıin lańkesterdiń qolynan jeti adam (onyń ishinde úsh áskerı qyzmetker) qaza tapty, 38 azamatqa medısınalyq kómek kórsetildi. 18 terrorıst joıyldy.
Moı Gorod basylymnyń málimetinshe, Mahsýdhan Áblázimov rotasııa prınsıpimen basqa óńirge aýystyryldy.
Arman Orazalıev ishki ister organdarynyń general-maıory Moldııar Orazalıevtiń uly. 1975 jyly Shymkent qalasynda dúnıege kelgen. 2020 jyldyń aqpan aıynda Qordaı aýdanyndaǵy oqıǵalarǵa baılanysty Orazalıev Jambyl oblysy PD basshysy qyzmetinen bosatyldy. Bul qyzmetke deıin ol alty jyl Ishki ister mınıstrligi Krımınaldyq polısııa komıteti tóraǵasynyń orynbasary qyzmetin atqarǵan. 2010-2011 jyldary Pavlodar oblysy PD basqardy. 2009 jyldyń qyrkúıeginen 2010 jyldyń qyrkúıegine deıin Astana qalasy Ishki ister departamenti bastyǵynyń birinshi orynbasary boldy.
