Toptyq jattyǵýlardaǵy jarysqa 2008 jyly týǵan bir gımnasttan ǵana jiberiledi. Spartakıadaǵa Qazaqstan qurama komandalarynyń kóshbasshylary, sonyń ishinde Aıbota Ersaıqyzy, Eljan Tanıev, Erik Jaılaýov, Mılan Parfılova qatysady.
Kópsaıys fınalyna jeke baǵdarlamada eń joǵary nátıje kórsetken komandalar quramynan 15 sportshy jiberiledi. Kópsaıys fınalynyń jeńimpazy eń joǵary ball somasy boıynsha anyqtalady.
Jeke baǵdarlamada kópsaıystyń jekelegen túrlerinde fınalǵa kópsaıystyń árbir túrinde eń joǵary nátıje kórsetken komandalar quramynan 8 sportshy jiberiledi. Toptyq jattyǵýlardaǵy kópsaıysqa – biliktiligi joǵary aımaqtan bir komanda qatysady.
Týrnırdiń resmı ashylý rásimi 17 mamyr kúni saǵat 12:00-de Qazaqstan SK jeńilatletıkalyq kesheninde ótedi.
Jarystyń uıymdastyrýshylary – Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti jáne Astana ákimdigi.
Is-sharanyń maqsaty – halyqty dene shynyqtyrý jáne sportpen júıeli túrde aınalysýǵa tartý, sportty óskeleń urpaq arasynda tanymal etý.
