
Qaladaǵy qatty turmystyq qaldyqtardy qaıta óńdeý jáne kómý kombınaty 2019 jyly «Tazalyq-S» JShS-ne senimgerlik basqarýǵa berilgen. Alaıda seriktestik jaýapkershiligine alǵan negizgi mindettelemelerdi oryndamaǵan, ıaǵnı kombınat arnaıy tehnıkanyń jetkilikti sanymen qamtamasyz etilmegen, qatty-turmystyq qaldyqtardy qaıta óńdeý óndirisi keńeıtilmegen, polımerli qubyrlar óndirisi iske asyrylmaǵan.
Jańaózen qalasy prokýratýrasynyń qadaǵalaý aktisi boıynsha qala ákimdigi mamandandyrylǵan aýdanaralyq ekonomıkalyq sotyna senimgerlik shartty toqtata turý týraly talap aryz berip, ol tolyǵymen qanaǵattandyrylǵan. Apellıasııalyq satymen joǵaryda atalǵan sottyń sheshimi ózgerissiz qaldy. Nátıjesinde, balanstyq quny 1 mlrd teńgeden asatyn múliktik keshen jergilikti atqarýshy organnyń kommýnaldyq menshigine qaıtaryldy.
Esterińizge sala keteıik, qazirgi tańda Jańaózende «QazMunaıGaz» arnaıy jumys tobynyń «О́zenmunaıgaz» jáne qalanyń munaı servıs kásiporyndarynyń qyzmetin tekserý boıynsha jumysy jalǵasyp jatyr.
Jumys tobynyń mamandary bir tıpti sý jylytý qondyrǵylaryn qaıta jańartý kezinde jumys quny arasyndaǵy aıtarlyqtaı aıyrmashylyqty da anyqtaǵan. «Máselen, 3 sý jylytý qondyrǵysyn (VGÝ-1 NGDÝ-3) qaıta jańartýdyń jalpy quny qosylǵan qun salyǵymen birge 525 mln 482 myń teńge bolǵan, al bir ǵana qondyrǵyny (VGÝ-3a-S NGDÝ-1) qaıta jańartý quny qosylǵan qun salyǵymen birge 380 mıllıon teńgeden asyp ketken. Bul – osyǵan uqsas NGDÝ-3 qondyrǵysyn jóndeýden 2 ese qymbat. Mundaı úlken aıyrmashylyqtyń sebepterin mamandar anyqtap jatyr», delingen «QazMunaıGaz» kompanııasy taratqan habarlamada.
Sondaı-aq satyp alý qyzmetin basqarý standartyna sáıkes О́MG men «BerÁli Mańǵystaý Company» JShS arasynda 2022 jyly jalpy somasy 2 mıllıard 582 mıllıon 699 myń teńgege uńǵymalardy jerasty jóndeý jumystaryna kelisimsharttar jasalǵan, jumystyń jalpy kólemi – 371 uńǵymany jerasty jóndeý (nemese 30 040,7 brıgada-saǵat).
«Tekserý barysynda О́MG Bıýdjet kodeksiniń 97-babynyń 6-1 tarmaǵyn buzǵany, atap aıtqanda, jalpy somasy 26 mıllıon 951 myń teńgege teń, jumys ýaqyty 300 saǵatqa artyq kórsetilgen oryndalǵan jumys aktilerin qabyldaǵany anyqtaldy. Sonymen qatar oryndalmaǵan jumys kólemi belgili boldy. Sebepteri naqtylanyp jatyr», delingen habarlamada.
Jumys toby О́MG «Samuryq-Qazyna» UÁQ AQ satyp alý tártibiniń normalaryn saqtamaı, 2022 jyldyń jeltoqsanynan 2023 jyldyń qańtaryna deıin jáne 2023 jyldyń naýryzdan bastap qazirgi ýaqytqa deıin «AI-95» markaly benzındi júrgizýshilerdiń jalaqy alatyn kartalaryna qarajat aýdarý arqyly satyp alyp kelgenin de anyqtap otyr.
Sondaı-aq bıyl qańtarda «О́zenmunaıgaz» satyp alý tártibin buza otyryp, kúndelikti jáne (nemese) apta saıyn qajet taýarlar, jumystar men qyzmetterdi satyp alýǵa bekitilgen tizbesiz kólemi 69 tonna «AI-95» markaly benzın satyp alǵan.
Mańǵystaý oblysy