Dúnıejúziniń biraz elinde ortalyqtary ornyqqan uly nemis aqyny Gıote ınstıtýtyn estýińiz bar shyǵar. Qazaqtyń bir top jas aqyny álgi ınstıtýttyń usynysymen uly Gıoteniń jyrlaryn qazaq tiline aýdaryp bergen eken kezinde. Mynaý nemis tilinde shyqqan jınaq sol shyǵarmashylyq baılanystyń nátıjesi bolsa kerek. 2021-2022 jyldary atalǵan ınstıtýt Grand Tour Zentralasien jobasynyń jalǵasy retinde Orta Azııa elderi jas aqyndarynyń jyrlaryn nemis tiline aýdarypty. Sııasy keppegen «Orta Azııa jyr antologııasy» alǵash ret Berlın jáne Leıpsıg qalalarynda kópshilikke tanystyrylyp, nemis tildi oqyrmandar nazaryna usynyldy.
Jyr jınaǵyna jas aqyndar Batyrhan Sársenhan, Mıras Asan, Saǵynysh Namazshamova, Edilbek Dúısen, Jeńisbek Pazyldyń óleńderi engen. Sondaı-aq qyrǵyz aqyndarynan Alıman Abdykerımova, Narsýlýý Gýrgýbaeva, Gúlzada Stanalıeva, Nýrıza О́múrbaeva, Mahabbat Qaseıınovanyń jyrlary da nemis tiline aýdarylyp, basylypty.
