Áleýmettik jelide mektep oqýshysynyń ekstremal áreketi túsirilgen vıdeo tarap ketti. Onda orta mektep oqýshysynyń jolda ótip bara jatqan kólikterdiń aldyna sekirip oınaǵany kórsetilgen. Vıdeoda bala kólik júrip jatqan jolǵa sekirip, júk kóliginiń aldyna shyǵady da, sońǵy sátte qaıta jol jıegine sekiredi. Bul áreketin birneshe ret qaıtalaıdy.
Almaty oblysy Polısııa departamentiniń polıseıleri oqýshynyń jeke basyn anyqtaǵan. Ol Kazsık aýylyndaǵy №6 mekteptiń oqýshysy bolyp shyqty.
«2010 jyly týǵan kámeletke tolmaǵan balamen profılaktıkalyq áńgime júrgizildi. Kámeletke tolmaǵan balanyń ata-anasyna QR ÁQBTk-niń 127-baby «Tárbıe jáne oqytý jónindegi mindetterdi oryndamaý» boıynsha ákimshilik hattama toltyryldy. Kámelettik jasqa tolmaǵandardyń quqyqtary men múddelerin qorǵańyzdar», dedi polısııa qyzmetkeri.
Tártip saqshylary ata-ana balasynyń tárbıesine jaýapty bolýyn, onyń ishinde jolda júrý erejelerin úıretýge mindetti ekenin eskertti.
