Astana qalasynda AITV-ınfeksııasyn anyqtaý úshin jyl saıyn 300 myńnan astam adam tekseriledi. Onyń kólemi jyl saıyn orta eseppen 12-15%-ǵa ulǵaıyp keledi. Erte testileýdiń arqasynda 84 paıyzy alǵashqy satysynda anyqtalady. Sońǵy 20 jyldan astam ýaqyt ishinde elordada AITV aldyn alýdyń arqasynda aýrý juqtyrǵan áıelderden 280 deni saý bala dúnıege keldi.
«Búkil álemde AITV-nyń tarıhyna kóz júgirtsek, adam shyǵyny kóp ekenin baıqaımyz. Biraq medısına zamanaýı jetistikteriniń arqasynda búginde bizde ondaǵan myń adamnyń ómirin saqtap qalýǵa múmkindik bar. Qazirgi ýaqytta antıretrovırýsqa qarsy emdeý men turaqty medısınalyq baqylaýdyń arqasynda AITV-ınfeksııasy JITS satysyna aýyspaýy múmkin. Tájirıbe negizinde AITV-ınfeksııasyn juqtyrý qaýpin tómendetý jáne deni saý balalardyń dúnıege kelýi úshin antıretrovırýstyq terapııanyń joǵary tıimdiligin aıtqan jón. Bul jetistikter jurt sanasynda saqtalǵan ólimge aparatyn aýrý týraly qate túsinikterdi tolyq joqqa shyǵaýǵa múmkindik beredi», deıdi Astana qalasy AITV-nyń aldyn alý ortalyǵynyń bólim meńgerýshisi Janna Aıtmaǵanbetqyzy.
Qazir Astana qalasynda 2000-ǵa jýyq naýqas dıspanserlik esepte tur. Antıretrovırýstyq terapııanyń arqasynda AITV-ınfeksııasy sozylmaly juqpaly aýrýlar qataryna enip, ólim-jitim azaıdy. Álem boıynsha sońǵy on jylda JITS-ten ólim-jitim 47 paıyzǵa qysqarǵan.
Jyl saıyn mamyrdyń úshinshi jeksenbisinde álemde Halyqaralyq JITS-ten qaıtys bolǵan adamdardy eske alý kúni ótkiziledi. Atalmysh kúnge oraı aksııa barysynda stýdentter mamandardan tegin keńes alyp, AITV-ǵa nátıjesi 15 mınýtta shyǵatyn jedel testileýden ótýge múmkindik aldy.
Sondaı-aq aptalyqtyń sońǵy kúni qaladaúy «Báıterek», «Han Shatyr», jáne Qazaqstan Temir Joly bas keńsesiniń ǵımarattary keshki ýaqytta AITV-nyń sımoly bolǵan qyzyl túste janatyn bolady.
