О́mirin jaqsylyq pen izgilikke arnaǵan Batyrbek Ábdirásilulynyń uzaq jyldar boıy abyroı bıiginde atqarǵan basshylyq qyzmetterdegi eren eńbegi talaılarǵa úlgi bolarlyqtaı-aq. Jyldar belesinde, memlekettik basqarý salasynda qanshama ıgi jaqsylarmen syılastyqta bolǵanymyz bar ǵoı, árıne. Deı turǵanmen, syılastyǵymyz shynaıy dostyqqa ulasqan, tipti otbasymyzben etene jaqyn aralasyp-quralasyp degendeı, ózine ǵana tán kórkem minezimen kóńilimniń tórinen oryn alǵan Batyrbek Ábdirásilulynyń men úshin jóni de, joly da, orny da bólek. Sonaý el egemendiginiń eleń-alańynda birneshe jaýapty qyzmetti sátti atqarǵan Batyrbek Ábdirásiluly, keıinirekte óziniń kindik qany tamǵan kıeli ólke – Talas aýdanynyń ákimi qyzmetinde bolǵan jyldary birshama bıik belesterge jetkendigi kóziqaraqty jerlesteriniń jadynda. Oǵan bertinde ózim de sol aýdandy basqarǵan jyldary el aǵalary men zııaly qaýym ókilderiniń, el ishindegi qarapaıym jerlesteriniń de Batekeń týraly júrekjardy jyly lebizderin, talaı ıgi bastamalarynyń sátti bolǵanyn, uıymdastyrýshylyq jáne iskerlik qabiletiniń arqasynda jerlesteriniń laıyqty qoshemetine bólengendigi jaıynda da san márte estigenim bar. Batyrbek Ábdirásiluly keıinirekte Baızaq jáne Jýaly aýdandaryna basshylyq etken jyldary ózine tán erekshe ultjandylyǵynyń arqasynda ıgilikti isterge uıytqy bolyp, aýdan turǵyndarynyń alǵysyna bólendi.
Memlekettik qyzmettegi ózindik dara jolyn sátti aıaqtap, zeınetkerlik jasqa jetkennen keıin de Batyrbek Ábdirásiluly Taraz qalalyq máslıhatynyń hatshysy qyzmetin atqara júrip, qala kólemindegi atqarylyp jatqan qyrýar ıgilikti istiń basy-qasynda júrip, bılik pen qala turǵyndarynyń arasyndaǵy altyn kópirdeı kóptegen bastamaǵa qoldaý bildirip, bul salada da óziniń azamattyq paryzyna adaldyǵymen el senimin aqtaı bildi. Sondaı sátterde óziniń ómirlik tájirıbesimen aınalasyndaǵylarǵa aqyl-keńesin berýden de esh jalyqqan emes.
«Týǵan jerge taǵzym» degen kıeli sóz qadirin durys baǵalaı bilgen Qulekeev áýleti urpaǵynyń biri – Batyrbek Ábdirásilulynyń bastamasymen sonaý bir jyldary ózderiniń kıeli mekeni – Talapty aýylynda aǵaıyndy Qulekeevter atyndaǵy sport keshenin ashqany bar. Muny onyń ósip kele jatqan jańa jas býyn ókilderine degen qamqorlyǵynyń bir bólshegi desek bolady. Jıyrma shaqty jyldan beri oblystyq deńgeıde ótkizilip turatyn dástúrli aýyl sport oıyndarynyń jarysy búginde dástúrge aınalǵanyn oblys jurtshylyǵy jaqsy biledi. Bul ıgilikti iske memleket jáne qoǵam qaıratkeri, úshinshi dárejeli «Barys» ordeniniń ıegeri Jaqsybek Ábdirahmetuly men ishki ister salasynyń polkovnık shenindegi ardageri, Taraz qalasynyń Qurmetti azamaty Bolat Ábdirásiluly bastaǵan basqa da baýyrlary demeýshilik jasap keledi.
Jalpy, Qulekeevter ary alǵanda – elimizge, beri alǵanda Jambyl jerine jaqsy tanymal, ósip-óngen, men úshin óte qymbat áýletterdiń biri, osy Qulekeevterdiń qaı-qaısysymen de etene jaqyn aralasyp kelemin. Solardyń ishinde bizdiń Batekeńniń týǵan elge, aǵaıyn-týysqa, dos-jarandaryna, tipti uzaq jyldar boıy atqarǵan memlekettik basqarý qyzmetine de adaldyǵymen talaılardan daralanyp júretindigine san márte tánti bolǵanym bar. Onyń daladaı darqan kóńili men baladaı perishte peıili sondaı sátterde aqjarqyn júzin odan saıyn nurlandyryp, ózine tán adamgershilik asyl qasıetterimen aınalasyna shýaǵyn shashyp júretindeı áser qaldyrady-aq. Sondaı danalyq, dara qasıetteri Batekeńniń el aldyndaǵy abyroıyn asqaqtatyp, mártebesiniń bıikteı túsýine yqpalyn tıgizetini jáne bar.
Osy oılarymnyń aıǵaǵy ispetti eki jaıdy ǵana esime alyp otyrmyn. Onyń biri – qyzmet babyndaǵy abyroı-bedeline, ekinshisi óziniń qarapaıym ómirdegi darqandyǵy men jomarttyǵyna baılanysty edi. El egemendiginiń tarıhyna «tańba» bolyp qalǵan ótken jylǵy qańtar oqıǵasy kezinde Batyrbek Ábdirásiluly qalalyq máslıhattyń hatshysy ári óńirdiń abyroıly, tanymal tulǵalarynyń biri retinde sol bir almaǵaıyp sátte el aldyna shyǵyp, jıylǵandardy sabyr men birlikke, eldik jolynda ult bolyp uıysýǵa shaqyra bilgeniniń ózi onyń qaısarlyǵyn tanytsa kerek. Bul – Batekeńniń uzaq jylǵy jaýapty memlekettik qyzmetter barysyndaǵy jerlesterge úlgi bolarlyqtaı eren eńbeginiń bir parasy ǵana desek te bolady.
О́tken jyly Respýblıka kúni merekesine oraı Prezıdent Jarlyǵymen «Parasat» ordenimen marapattalýy – qanshama jyldar barysyndaǵy týǵan elge adal atqarǵan eńbeginiń ótemi ekeni anyq. Al endi Batekeńniń kúndelikti ómirdegi ustanymy, kishipeıildigi men qonaqjaılylyǵy – óz aldyna bólek áńgime. «Atyń barda jer tany, jelip júrip, asyń barda el tany, berip júrip» degendeı, syılastyqqa kelgende alys-jaqyn qashyqtyqpen sanaspaıtyn, kóńil-peıili de keń, qoly ashyq márt jigittiń biri osy Batyrbek. Meniń paıymdaýymsha, onyń osyndaı adamgershilik qasıetteri onyń tektiligin ańǵartsa kerek. Sondaı sátterde Batekeńniń aqjarqyn kóńili men qarapaıymdylyǵy, erekshe baýyrmaldyǵy otbasylyq aq dastarqanyndaǵy úlkendi-kishili mártebeli meımandardyń janyna nur quıǵandaı áser beretindigin ańǵarý qıynǵa soqpaıdy. О́ıtkeni ol yntymaǵy jarasqan altyn shańyraǵynyń aq dastarqanynda bolatyn árbir meımanǵa barynsha iltıpat kórsetip, quraq ushyp kútetindigin talaı ret ańǵarǵanymyz bar.
Qazaq halqynyń birtýar perzentteriniń biregeıi – Qadyr Myrza Áli aǵamyz ilgerirekte «Men ómir boıy abyroıǵa jumys istedim, endi abyroı maǵan jumys isteýi kerek» degen eken. Osy aıtqandaıyn, Batyrbek Ábdirásiluly jyldar boıy atqarǵan adal eńbeginiń arqasynda el jurtynyń laıyqty qoshemetine bólenip júrgendigin barsha jerlesteri jaqsy biledi. Sol sebepti de, Batekeńniń jyldar boıy jınaǵan abyroıynyń endi ózine jumys isteıtindigine bek senimdimin.
Bolat RYSMENDIEV,
qoǵam qaıratkeri
Jambyl oblysy
