50 jyldyq shara barysynda Aqtaýda «Mańǵystaý» gazetiniń fototilshisi T.Qusaıynnyń shyǵarmashylyq keshi ótip, gazet tarıhyn toptastyrǵan shaǵyn murajaı ashyldy. Murajaıdaǵy eń kóne jádiger – 1931 jyly shyǵaryla bastaǵan latyn qarpimen shyqqan «Kolhoz joly» gazetiniń 1934 jylǵy sany, sondaı-aq «Stalın joly» gazetiniń 1942 jylǵy nómiri bar.
Keń aýqymda atalyp ótip jatqan shara «Dostyq» úıinde saltanatty jıynmen jalǵasty.
Jıynda aımaq basshysy N.Noǵaev sóz sóılep, basylymnyń qoǵamdaǵy orny men mindeti týraly keń baıandap, gazet ujymyna sáttilik tiledi. Sondaı-aq sóz alǵan Aqparat jáne qoǵamdyq damý mınıstri D.Qydyráli Mańǵystaý jurtshylyǵyn oblys úni bolǵan «Mańǵystaý» gazetiniń 50 jyldyǵymen quttyqtap, búgingi qazaq baspasózi, alǵa qoıǵan mindetter týraly bólisti.
Saltanatty jıynda gazet tarıhy jaıly beınefılm kórsetilip, ardager jýrnalısterge aıryqsha qurmet kórsetildi. Qalasy júırik jýrnalıster men gazet qyzmetkerleri oblys ákiminiń, Aqparat jáne qoǵamdyq damý mınstriniń, Senat jáne Májilis tóraǵalarynyń Qurmet gramotalarymen, alǵys hattarymen, sondaı-aq ózge de uıymdar men mekemelerdiń quttyqtaýlarymen marapattaldy.
