Qalalyq máslıhat depýtattary bilim oshaqtaryn aralady. №11, 44 mektep lıseıleri men qosymsha bilim beretin №48 mektep-ortalyǵynda bolǵan olar ashanalardy tekserip shyqty.
Bul ashanalarǵa bıyl jóndeý jumystary júrgizilgen. Ishtegi stendterde ashananyń jumys rejımi, mázirler, taǵamdar, shaǵymdar men usynystar kitaptary ornalastyrylǵan.
«2023 jyly bir oqýshyǵa birrettik tegin ystyq tamaqtyń quny kúnine 620 teńgeni qurady. Alaıda №11 mektep-lıseıde budan qymbatyraq bolǵan. Mektep basshylyǵyna osyǵan qatysty eskertý jasaldy», deıdi qalalyq máslıhat tóraǵasy Aleksandr Svetash.
Sonymen qatar mektepterde balyq ónimderiniń joqtyǵy anyqtalǵan. Tekserý qorytyndysy boıynsha depýtattar О́skemen qalasynyń bilim bólimine oqýshylar men olardyń ata-analary arasynda mekteptegi tamaqtyń sapasy týraly saýalnamalardy júıeli túrde júrgizýdi aıtyp ótti.
