«QHR Ortalyq Azııa elderimen «Qytaı-Ortalyq Azııa» tetigin birlese otyryp, alty el arasyndaǵy tereń yntymaqtastyqty ilgerilete otyryp, mańyzdy platformaǵa aınaldyrý úshin jumys isteýge daıyn», dedi Sı Szınpın.
Al qazaq eli týraly Sı Szınpın Qytaı Qazaqstannyń syrtqy saıasatynda erekshe mańyzǵa ıe ekenin aıtyp, ekijaqty qarym-qatynastar tereń dostyq pen berik ózara senimge, ortaq maqsattar men mindetterge negizdelgenin aıtty.
О́z kezeginde Q.Toqaev «Bir beldeý – bir jol» (BRI) jobasy tamasha bastama ekenin jáne Qazaqstan jobany jalǵastyratynyn aıtty. Sondaı-aq kúrdeli kezeńde Tóraǵa Sı Szınpın usynǵan úsh bastamanyń, atap aıtqanda, jahandyq damý, jahandyq qaýipsizdik jáne jahandyq órkenıet bastamasynyń úlken mánge ıe ekenin aıtyp, Qytaımen kóbirek baılanysty qoldaıtynyn jetkizdi.
Kezdesýden keıin eki memleket basshysy birlesken málimdemege qol qoıdy.
Sıandaǵy sammıt
Qytaıdy batysyndaǵy órkenıettermen baılanystyrǵan Ejelgi Jibek jolynyń boıyndaǵy Sıan qalasy bannerler jáne bılbordtarmen kómkerildi. QHR Ortalyq Azııa sammıtine jaqsy daıyndalǵan.
Sıan qalasyna birinshi bolyp Qytaıdyń Ortalyq Azııadaǵy eń iri saýda áriptesi, Qazaqstan Prezıdenti Qasym-Jomart Toqaev taban tiredi. Qytaı basshysy Q.Toqaevty jyly qarsy alyp, 70 jasqa tolǵan mereıtoıymen quttyqtady.
Kezdesýde eki el basshysy «Qytaı-Ortalyq Azııa» tabıǵı gaz qubyrynyń qazaqstandyq ýchaskesiniń qaýipsiz jáne turaqty jumysyn qamtamasyz etýge, sondaı-aq munaı jáne ýran salasyndaǵy yntymaqtastyqty tereńdetýge kelisti.
Sammıt barysynda Qytaıdyń memlekettik energetıkalyq alpaýyty «Sinopec» pen qazaqstandyq «KazMunayGaz» (KMGZ) Batys Qazaqstannyń Atyraý oblysyndaǵy polıetılen jobasyna áleýetti ınvestısııa salýdyń negizgi sharttarymen tanysyp, kelisimge keldi.
Qytaı jáne Ortalyq Azııa «jańa dáýiri»
Qytaı tóraǵasy Sı Szınpın Sıanda ótken Ortalyq Azııa sammıtinde elder arasyndaǵy baılanystardyń «jańa dáýirimen» quttyqtap, Pekın strategııalyq mańyzdy aımaqtarmen qarym-qatynastaryn tereńdetedi dep málimdedi.
Sı aıtqan strategııalyq aımaqtardyń kósh basynda Qazaqstan memleketi tur. Qazaqstan Prezıdenti Qasym-Jomart Toqaev sammıt qarsańynda Sı Szınpınmen kezdesýde eki el arasyndaǵy júzege asyrylyp otyrǵan iri jobalardy joǵary baǵalady.
Sı Szınpın sondaı-aq Qyrǵyzstan prezıdenti Sadyr Japarovqa Qytaıdyń Qyrǵyzstanmen «tatý kórshilik, dostyq, ortaq gúldený jáne ortaq bolashaq qoǵamdastyǵyn qurý úshin jumys isteýge daıyn» ekenin aıtyp, О́zbekstan, Tájikstan jáne Túrikmenstan arasyndaǵy tyǵyz baılanystardy joǵary baǵalap, ekonomıkalyq jáne mádenı almasýlardy keńeıtýge ýáde berdi.
Ortalyq Azııaǵa bildirilgen senim
Qytaı Ortalyq Azııanyń bes eline mıllıardtaǵan dollar «qarjylyq qoldaý men tegin kómek» berýge ýáde berdi.
Sı Szınpın Ortalyq Azııa elderiniń basshylaryna Qytaı ár aımaqtaǵy quqyq qorǵaý, qaýipsizdik jáne qorǵanys qabiletin arttyra alatynyn aıtty. Eki kúnge sozylǵan kezdesý barysynda ol árbir basshymen kezdesip, saýda, ınfraqurylymdy jáne tehnologııany ınvestısııalaýdy ulǵaıtý jáne vızasyz saıahat jasaý týraly ekijaqty kelisimderge qol qoıdy.
Ásirese Qazaqstanmen jasalǵan aradaǵy kelisim QHR úshin mańyzdy boldy.
