Ǵylymı-zertteý jumystarynyń nátıjesinde Ulttyq zııatkerlik menshik ınstıtýtynyń tapsyrysy boıynsha Roza men onyń jetekshisi Ǵabıden Tólebaıulyna sıfrlyq kýálik berilgen.
Atalmysh keste «Roza – ólshem birlikteri kestesi» degen resmı ataýǵa ıe boldy.
I.V.Panfılov atyndaǵy №5 mektep-lıseıi oqýshysynyń bul jańalyǵy respýblıkalyq «Zerde» ǵylymı jobalar baıqaýynyń respýblıkalyq kezeńinde úzdik dep tanylyp, ǵalymdardyń oń baǵasyn aldy. Nátıjesinde Roza Gran-prı ıegeri atandy.
«Mundaǵy basty jańalyq - esepterdi shyǵarýda matematıkalyq ólshem birlikterimen jumys isteýge arnalǵan ádistemelik kesteni paıdalaný. Qazirdiń ózinde matematıkany oqytý ádistemesin jetildiretin bul jańa keste bilim berý uıymdaryndaǵy oqý úrdisinde keńinen qoldanylyp júr», dedi Rozanyń jetekshisi Ǵabıden Tólebaıuly
Bir aıta keterligi, oqýshy qyzdyń bul jumysy bilim saıysynda 600-ge jýyq qatysýshynyń arasynan úzdik atanyp, taǵy bir jańa formýla retinde matematıka pánin oqytýǵa engizilgen.
Arýjan NAǴAShBAI,
L.N.Gýmılev atynadaǵy EUÝ stýdenti
