«Geosaıası qıyndyqtar búkil álemniń ekonomıkalyq damýyna aıtarlyqtaı yqpal etip otyr. Bıyl halyqaralyq qarjy ınstıtýttary álemdik ekonomıkanyń ósimine qatysty boljamdy, ortasha eseppen alǵanda, shamamen eki ese tómendetti», dep sózin bastady Prezıdent.
Memleket basshysynyń aıtýynsha, syrtqy faktorlardyń qysymyna qaramastan, Eýrazııalyq ekonomıkalyq odaq aıasyndaǵy yntymaqtastyq qarqyndy damyp keledi. Odaqqa múshe memleketter makroekonomıkalyq turaqtylyǵyn saqtap, ekonomıkalyq ósim qarqyny men ózara saýda kólemin arttyryp jatyr.
«Men óz tarapymnan EAEO qurylǵannan beri Qazaqstannyń odaqqa múshe ózge eldermen aradaǵy taýar aınalymy 74 paıyzǵa ulǵaıǵanyn atap ótkim keledi. Osy oraıda eksport 98 paıyzǵa ósti. Bul jaqsy kórsetkish dep sanaımyz», dedi Memleket basshysy otyrys barysynda.
