Onyń aıtýynsha jyl saıyn jaz aılarynyń basynda qaladaǵy órtterdiń sany birneshe ese artady, buǵan kóbinese terek mamyǵy sebep bolady. О́tken 2022 jylǵy mamyr jáne maýsym aılarynda elordalyq TJD qyzmetkerleri terek mamyǵyn sóndirýge 62 ret shyqty.
«Kósheler men aýlalar qar sekildi terek mamyǵymen kómkerilip qalady, bul óz kezeginde yqtımal órt oshaǵyna aınalady. Kóbimiz balalyq shaǵymyzda terek mamyǵynan joldar jasap, keıin olardy órtep jiberetinimiz esimizde. О́kinishke qaraı, adamnyń psıhologııasy ózgermeıdi jáne qazirgi ýaqytta da balalar osylaı oınap jatady. Biraq onyń qaýiptiligin tolyqtaı sezine bermeıdi. Balalar ǵana emes, eresekter de temeki tuqylyn nemese sirińkesin sóndirmegen kúıi laqtyrý arqyly órt qaýpin týdyrady», dedi ol.
Terek mamyǵy arqyly ot úıler men basqa ǵımarattardyń janǵysh materıaldaryna kóshedi. Ásirese osy kezeńde avtomobılderge zııany tıip jatady, tipti garajdar da qyzyl jalynǵa oranady.
TJD osy ýaqyt aralyǵynda órt qaýipsizdigi talaptaryn eske salyp ótti.
Osy kezeńde órt qaýipsizdigi erejelerin saqtaý qajet. Mamyq jınalǵan jerlerdi únemi tazalap otyrý kerek, balalar men jasóspirimderge ony órteýge jol bermeý kerek. Kásiporyndar men mekemelerde temeki shegý rejımine baqylaý jasaý, ot jaǵýǵa jáne qoqysty jaǵýǵa qatań tyıym salý, dánekerleý jumystaryn júrgizýge daıyndyqty muqııat júrgizý, qosymsha órtke qarsy nusqaýlyqtar júrgizý qajet. Departament eresekterge eskertedi, eger siz kóshede terek mamyǵymen oınaǵan balalardyń tentektigin kórseńizder – janynan ótip ketpeńizder, órttiń aldyn alyńyz. Kishkentaı balalardyń sirińke men ottyqqa qol jetkizýin shekteńiz.
