«Negizinen bul karta oıyny, súıek laqtyrý jáne onlaın rýletka. Barlyq jerde prınsıp birdeı. Bás tigýge shaqyrady. Onyń tórtten biri uıymdastyrýshyda qalady, qalǵanyn jeńimpaz alady. Bás tigýlerdi qabyldaý jáne utystardy berý banktik onlaın aýdarymdar arqyly júzege asyrylady. Jelilik taldaý nátıjesinde biz onlaın oıyndy taratatyn 100-den astam akkaýntty anyqtadyq», delingen QMA habarlamasynda.
Sondaı-aq QMA qyzmetkerleri uıymdastyrýshylar men qatysýshylardyń áreketteri zańsyz ekendigin eske saldy.
«QR QQ 307-babynda zańsyz oıyn bıznesin uıymdastyrǵany úshin jaýapkershilik qarastyrylǵan. Qazirdiń ózinde sottalǵandar bar. Máselen, «TikTok» jelisinde qumar oıyn uıymdastyrǵan Almaty qalasynyń 2 turǵyny 4 aıda 13 mln teńgege jýyq tabys tapqan. Tergeý qorytyndysy boıynsha olar 1,5 jylǵa bas bostandyǵyn shekteý jazasyna kesildi», dep habarlady baspasóz qyzmetinen.
Sonymen qatar qazir sotta «TikTok» jelisinde uqsas mazmundaǵy kontent úshin 4 uıymdastyrýshyǵa qatysty is qaralyp jatyr.
«Qurmetti azamattar, qyraǵy bolyp, osyndaı qumar oıyndarǵa aralaspaýlaryńyzdy suraımyz. Bul zańǵa qaıshy. Sondaı-aq ata-analardan balańyzdyń minez-qulqyna, onyń kóretin kontentine jáne onyń onlaın saýdasyna nazar aýdarýyn suraımyz», dep eskertti QMA qyzmetkerleri.
