Is-sharany uıymdastyrýǵa aýdan ákimdikteri ǵana emes, qalanyń oqý oryndary da qatysty.
Astananyń Menedjment, bıznes jáne bilim kolledji balalarǵa arnap shashtaraz, akvagrım jáne portret salý boıynsha sheberlik synybyn ótkizdi.
«Búgin biz balalarǵa arnalǵan sheberlik synyptaryn usynamyz.
Balalarǵa akvagrım, denelerine sýret salamyz.
Sondaı-aq portretter de nazardan tys qalmady.
Stýdentterimiz bárin oryndaıdy. Sondaı-aq «shashtaraz óneri» mamandyǵynyń qyzdary shash órý boıynsha master-klass kórsetedi. Bul bizdiń balalarymyzdyń kóńil kóterýi úshin uıymdastyrylady.
Onyń ústine qazir olar demalysqa shyqty.
Olar úshin bul óte qyzyqty bolmaq. Ata-analarmen birge otbasylyq serýender de bar. Is-sharanyń osyndaı aýqymyn árdaıym uıymdastyrý kerek dep sanaımyn. Sebebi bala – ómirdiń máni.
Olar úshin eresekter tarapynan bólinetin kóńil mańyzdy», dedi mekemeniń kásiptik baǵdar berý jáne kareralyq ósý boıynsha jetekshisi Elmıra Barlybaeva.
Sondaı-aq №1 óner mektebi saıabaqta konsert pen plener uıymdastyrdy.
«№1 óner mektebi birneshe jerde ótkizedi. Teatr, kórkem, vokaldyq-aspaptyq bólim bar.
Kez-kelgen adam sýret sala alady. Olardyń arasynda asfalttaǵy sýretter baıqaýy bolady. Bul – halyqaralyq mereke. Biz balalardy shyǵarmashylyqqa qyzyqtyrýymyz kerek, olarǵa úlken kóńil bólýimiz qajet, osylaısha olar bul merekede óz talanttaryn pash etedi. Ári ózara bas qosyp, dostasyp ketedi. Bul óte jaqsy mereke.
Uıymdastyrýshylarǵa – ákimdikke, bilim basqarmasyna alǵysymyz sheksiz», dedi kórkemsýret bóliminiń oqytýshysy Dáýren Beısenbaev.
Elordalyq bilim basqarmasynyń qosymsha bilim berý jáne tárbıe jumysy bóliminiń basshysy Gúlfara Sarambetovanyń aıtýynsha, Astanada túrli oryndarda 50-den astam is-shara uıymdastyrylady.
«Búgin tańǵy saǵat 10-nan bastap mektepke deıingi uıymdarda sharlar, sabyn kópirshikteri boıynsha fleshmobtar bastaldy. Sol sııaqty balalar qalanyń sport alańdarynda ataqty fýtbolshylarmen birge fýtbol oınady.
Saǵat 12-de biz qalanyń barlyq saıabaǵynda jappaı is-sharalar ótkizemiz.
Aýdan ákimdikterimen birlesip, osy maqsatta daıyndyq júrgizildi.
Munda qala mektepteri, kolledjder, mektepke deıingi uıymdar jáne qosymsha bilim berý uıymdary bar.
Elordalyq saıabaqta sabyn kópirshikteri shoýy, master-klastar, anımatorlar men teatr ujymdaryn jumyldyra otyryp, konserttik baǵdarlama ázirlendi. Bizge aýdan ákimdikteri tarapynan kómek kórsetildi.
Munda bizde kartınalar kórmesi ótkizilip, kondıterlik ónimder taratylyp jatyr», dedi ol.
