TT «Sary Tarzanmen» aıqasady

Lenıngrad oblysyndaǵy Slan­sy dep atalatyn shaǵyn qa­lada týyp-ósken 43 jas­taǵy Dasıktiń ómiri shytyr­man oqı­ǵalarǵa toly. О́ziniń balalyq shaǵy jaıynda atyshýly sportshy bylaı dep áńgimeleıdi: «Bes jasymda tús kórdim. Bir dáý ıt meni talap tastapty. Kelesi kúni sol páleni soıyp tastaıyn dep qolyma pyshaq ustap uıyqtadym. Sodan beri múldem tús kórmeıtin boldym. Orta mekteptiń bas­taýysh synyptarynda oqyp júr­genimde maǵan bári tıisetin. Bir jyldyń ishinde ǵana 16 ret mıym shaıqalyp, bir ret jansaqtaý bó­liminen shyqtym. Birde qatty ashýy­m kelip, meni soqqyǵa jyqqan balalardy bir­tindep ustap alyp, ońdyrmaı tistep tas­tadym. Tipten bireýiniń moıyn sińirin de julyp alǵan ekenmin. Sodan keıin olar menen aýlaq júretin boldy».

Vıacheslav jastaıynan taekvondo, dzıýdo jáne kir tasyn kóterý sportymen aınalysty. Keıinnen aralas jekpe-jekke den qoıdy. «Sary Tarzan» degen janama esimge ıe bolǵan ol tusaýkeser kezdesýin 1999 jyly Andreı Orlovskııge qarsy ótkizdi. Báseke basynan aıa­­ǵyna deıin belorýssııalyq faı­­terdiń basymdyǵymen ótti. Alaı­da Dasıktiń jerge aýnap ba­ryp, aıaǵymen tepken soqqysy qar­sy­lasynyń jaǵyna dál tıdi. Ol esinen tanyp qaldy. Bir ǵaja­by, arada birer jyl ótkennen soń dál sol Orlovskıı UFC-diń chempıony atandy.

Ár jekpe-jekte Dasıktiń ere­jeni óreskel buzyp, odan keıin janjal shyǵaratyn ádeti bar. Sol úshin de ol talaı jarystan shettetildi. Ol az deseńiz, «Sa­ry Tarzan» qoǵamdyq oryndar men kóshede de tynysh júrmeıdi. Má­selen, 2017 jyldyń aqpan aıynda ol uıaly telefondar dúkenin tonap, satýshylardy soqqyǵa jyq­qany úshin psıhıatrııalyq aý­rý­hanaǵa jatqyzyldy. Birneshe aıdan keıin Vıacheslav ol jerden qashyp shyǵyp, taǵy da eski ádetine basty. Polıseıler izine túsken kezde shekara asyp, Nor­vegııadan bir-aq shyqty. Atal­ǵan elden ol saıası baspana su­rady. Sportshy biraz ýaqyt Oslo túr­mesinde otyrǵannan keıin Re­seıge deportasııalandy. 2012 jyly sot úkimi shyǵyp, basbuzar bes jylǵa bas bostandyǵynan aıyryldy.

2017 jyly túrmeden shyqqan bette Dasık qaıta isti boldy. Ol jezókshelerden bastap, kóshede kezdeısoq jolyqqan adamdardy uryp-soǵyp, jeke zattaryn tartyp aldy. Jeńil júristi qyzdardy Sankt-Peterbor kóshelerimen tyr jalańash júrgizdi. Sol úshin taǵy da 3,5 jyl merzimge temir torǵa toǵytyldy. 2020 jyly jazasyn tolyqtaı ótep, qaıta úlken sportqa oraldy. Sol kezden beri taǵy birneshe jekpe-jek ótkizip úlgerdi. Onyń boıy 186 santımetr, salmaǵy 150 kılo. Mine, Vıacheslav Dasık osyndaı «ómir mektebinen» ótken.

37 jastaǵy Ǵalymjan Ja­sylanov ta «qara jaıaý» emes. Ol – Túrkistan oblysy Sozaq aýda­nynyń týmasy. Bozbala sha­ǵynda erkin kúres jáne qazaq kú­resimen shuǵyldandy. Báıgege tul­par jaratyp, shabandoz boldy. Asaý attardy úıretti. Kókpar tartyp, 200-deı salym salǵan. О́z sózine qaraǵanda, orekeńdermen kúsh synasqanda jany jaı tabady, qarsylasyn esinen tan­dyr­ǵansha nemese ózi talyp qal­ǵansha tóbeleskendi una­tady eken. Janama esimi – TT. Qan­dasy­myzdyń boıy 180 santımetr, sal­ma­ǵy 105 kılo.

Ǵalymjannyń aralas jekpe-jekpen aınalysqanyna asa kóp ýaqyt bolǵan joq. Osy kúnge deıin nebári eki kezdesý ótkizip, eki retinde de jeńiske jetti. Naiza lıgasy uıymdastyrǵan ja­rysta ózbekstandyq Davron Kýzıevti uryp jyqqannan keıin dostary oǵan sý jańa «BMW» kóligin mingizdi. Al sportshynyń ózi báseke aıaq­talǵan bette «Eı, Máskeý, meni tyń­dańdar! Barlyq­taryń alapat aıqasqa daıyn bolyńdar. Endi men sender jaqqa baryp, bar­lyqtaryńdy uryp qu­latamyn», dep batyl málimdeme jasady.

– Aldaǵy jekpe-jekte Dasık utady dep nyq senimmen aıta almaımyn. Onyń bir artyqshylyǵy – tájirıbesiniń moldyǵy. Biraq men Ǵalymjandy da jaqsy bi­lemin. Ol – aqkóńil, keńpeıil jáne qarýly jigit. Soqqylary óte aýyr. Kezinde qazaq faıteri de «temir qapasty» kórdi. Vıacheslav ta talaı shytyrman oqıǵalardy ba­synan keshti. Sondaı synaqtar men qıyndyqtarǵa qaramastan ekeýi de ómirdegi óz soqpaqtaryn ta­ýyp, qazirgi kezde jarys jolyna shy­ǵyp, sań myń jankúıerdiń qo­she­metine bólenip otyr, – deı­di Naiza lıgasynyń basshysy Nur­bek Qarabala.