Halyqaralyq is-sharaǵa kimder keledi?

Is-sharanyń taǵy bir maqsaty – dıplo­matııalyq qarym-qatynastardy jańa deńgeıge kóterip, memleketter ara­syn­daǵy ekonomıkalyq jáne saıası baılanys­tardy nyǵaıtyp, jalpyǵa ortaq qıyn­dyqtan birlese otyryp shyǵý. Sóıtip, halyqaralyq baılanys­tardy taǵy da nyǵaıta túsý.

Forýmda dúnıejúziniń eń úzdik sarapshylary bas qosyp, búgingi kúndegi jahandyq problemalardyń she­shimin tabýǵa atsalysady.

Úlken is-shara el Prezıdenti Qasym-Jomart Toqaev­tyń tóraǵalyǵymen ótedi. Forýmǵa bir myńnan astam shet­eldik qonaq keledi dep kútilip otyr.

Qonaqtar qatarynda Qa­tar memle­ketiniń ámiri Sheıh Ta­mım bın Hamad Ál Tanı, Qyrǵyz Respýb­lıkasynyń Pre­zıdenti Sadyr Ja­parov, Bosnııa, jáne Gersegovına Pre­zıdıýmynyń tóraǵasy Jel­ka Svııanovıch, Dúnıe­júzilik saý­da uıymynyń Bas dırektory (DSU) Ngozı Okondjo-Iveala, Birik­ken Ulttar Uıymynyń bilim, ǵylym jáne mádenıet jónindegi Bas dırek­tory (IýNESKO) Odre Azýle, Birik­ken Ulttar Uıymy Bas hat­shy­synyń orynbasary jáne Birikken Ulttar Uıymynyń Azııa men Tynyq muhıt Ekonomıkalyq jáne áleýmettik komıssııasynyń (ATMEÁK) at­qa­rýshy hatshysy Armıda Alıs­jahbana, Halyq­aralyq Valıýta Qory­nyń Basqarýshy dırektory (HVQ) Krıs­talına Geor­gıeva, sondaı-aq BUU Bas hatshysynyń Eýropa, Ortalyq Azııa, Soltústik jáne Oń­tústik Amerıka má­se­leleri jó­nindegi kó­mekshisi, BUU Ortalyq Azııa boıynsha Preventıvti dıplomatııa jónindegi óńir­lik ortalyǵy bas­shy­synyń mindetin at­qarýshy Mıros­lav Encha bolady dep josparlanyp otyr.

Bularmen qatar, BUU Bas hatshy­synyń kómekshisi, Ákim­shisiniń kómek­shisi jáne BUU Damý baǵ­darlamasynyń Eýropa jáne TMD aı­maqtyq bıýrosynyń dırektory Ivana Jıvkovıch, Eýropadaǵy qaýipsizdik jáne yn­tymaqtastyq uıy­mynyń (EQYU) Bas hat­shysy Helga Shmıd, EQYU Par­lamenttik Assam­bleıasynyń tóraǵasy Margareta Sederfelt, Shanhaı Yntymaqtastyq Uıy­mynyń (ShYU) Bas hatshysy Chjan Mın, Eýropa qaıta qurý jáne damý bankiniń (EQDB) prezıdenti Odıl Reno-Basso, Azııa damý bankiniń (ADB) prezıdenti Masa­sýgý Asakava, Birikken Arab Ámir­likteriniń Energetıka jáne ınfra­qury­lym mınıstri Sýheıl Mu­hammed Faradj ál Mazrýı, Eýro­palyq aýyl sharýashylyǵy jónindegi komıssar Iаnýsh Voısehovskıı, Efıo­pııanyń eks-prezıdenti Mýlatý Teshome, Býrkına-Fasonyń eks-premer-mınıstri Lasına Zer­bo, shveı­sarııalyq dıplomat jáne EQYU eks-Bas hatshysy Tomas Gremınger, S&P Global tóraǵasynyń orynbasary Denıel Ergın, Ban Ki-moon Foundation for a Better Future qorynyń dırektory jáne Koreıa Respýblıkasynyń klımat ózgerýi jó­nindegi eks-keńesshisi Rae Kvon Chýng bar.

 «Dıalog arqyly syn-qaterlerdi eńserý: yntymaqtastyq, damý jáne progress jolynda» atty eki kúndik forýmda qatysýshylar tórt negizgi baǵyt boıynsha máselelerdi she­shý­diń jańa joldaryn qarastyrady. Bi­rinshi, syrtqy saıasat jáne halyqaralyq qaýipsizdik, ekinshi, halyqaralyq damý jáne turaqtylyq, úshinshi, Energetıka jáne klımattyń ózgerýi, tórtinshi, ekonomıka jáne qar­jy.

 Forým aıasynda joǵaryda atalǵan baǵyttar boıynsha 40-tan astam panel­dik sessııa, beıresmı pikirtalas jáne basqa da baǵdarlamadan tys is-shara ótki­ziledi. Forýmnyń strategııalyq serik­testeri – BUU jáne CNN.

 BUU joǵary deńgeıdegi spıkerlerdi usyný jáne ózderiniń birneshe agent­tiginiń qatysýyn qamtamasyz etý arqyly is-sharaǵa qoldaý kórsetedi.