Zoobaq baspasóz qyzmetiniń málimetinshe, erekshe janýardy Almatyǵa ákelmes buryn úlken daıyndyq jumystary júrgizilgen. Arnaıy qorshaý jasalyp, basseın salynǵan. EARAZA komıssııasynyń kelisimi alynǵan.
«Bizge kelgennen keıin aq aıý karantınde boldy. Bul talap zoobaqtarǵa ákelinetin, basqa jaqqa beriletin barlyq janýarlarǵa qatysty. Endi, karantın aıaqtalyp, bizdiń kelýshilerimiz zoobaǵymyzdyń jańa turǵyny – Pýrgany kóre alady. Onyń ornalasqan voleri keń, aýlasynda eki basseıni bar. Úıshiginiń ishinde aýany salqyndatyp turatyn arnaıy jeldetkish ornatylǵan jáne sýyq eden jasalǵan», dep habarlady zoobaqtyń baspasóz qyzmeti.
Ol sıyr, taýyq etimen, túrli balyqtarmen, alma, almurt, salat japyraǵy, balmen qorektenedi.
