Qazaqstan • 02 Maýsym, 2023

Qazaqstanda polıetılen óndiretin zaýyt salynady

102 ret kórsetildi

Úkimette Premer-mınıstr Álıhan Smaıylovtyń tóraǵalyǵymen ótken keńeste gaz-hımııa ónerkásibin damytý máseleleri qaraldy, dep habarlaıdy Egemen.kz Úkimettiń baspasóz qyzmetine silteme jasap.

Qazaqstanda polıetılen óndiretin zaýyt salynady

Atap aıtqanda, polıetılen óndirisi boıynsha ıntegrasııalanǵan gaz-hımııa keshenin salý jobasy talqylandy. Bul másele boıynsha sońǵy ınvestısııalyq sheshim 2024 jyly qabyldanýǵa tıis.

«QazMunaıGaz» UK» AQ basqarma tóraǵasy Maǵzum Myrzaǵalıevtyń aıtýynsha, jobany tabysty iske asyrý úshin «Ulttyq ındýstrııalyq munaı-hımııa tehnoparki» AEA jumys isteý merzimin uzartý jáne jetispeı turǵan syrtqy ınfraqurylymdy salý kerek.

Talqylaý qorytyndysy boıynsha Premer-mınıstr ýákiletti organdarǵa kóterilgen máselelerdi sheshý joldaryn pysyqtaýdy tapsyrdy. Sonymen qatar Úkimet basshysy QR zańnamasy aıasynda sheteldik lısenzııalanǵan tehnologııalardy paıdalanatyn iri munaı-gaz hımııa nysandaryn jobalaý jáne salý kezinde halyqaralyq standarttardy qoldaný múmkindigin qarastyrý qajettigi týraly aıtty.