Elordadaǵy Abaı Qunanbaıuly atyndaǵy №87 mektep-gımnazııanyń qoldaýymen ótken týrnırge 2012-2013 jyly dúnıege kelgen balalardan quralǵan alty komanda qatysty. Bul jolǵy týrnırdiń ereksheligi – arnaıy chelendjden bastalýy. Iаǵnı bir ýaqytta Astanadaǵy birneshe mektepte dál osyndaı týrnır ótkizildi. Sondaı-aq qatysýshy komandalarǵa júldeler men medaldar tapsyryldy.
Jarys aınalmaly júıemen ótti. Erejege saı barlyq komanda bir-birimen ózara kezdesip, jeńimpazdy anyqtady.
«Densaýlyqtyń myqty bolýyna sporttyń paıdasy zor ekeni belgili. Osy maqsatta Halyqaralyq balalardy qorǵaý kúnine oraı fýtboldan qalalyq týrnır uıymdastyryp otyrmyz. Bul kún – balalar úshin meıram. Sol sebepti týrnırge qatysqandardyń barlyǵy júldege ıe boldy. Mundaı jarystar mektebimizde jıi uıymdastyrylyp keledi», deıdi mektep dırektory Aıgúl Qashaeva.
Týrnır qorytyndysy boıynsha eki toptan sýyrylyp shyqqan tórt komanda jartylaı fınalda kezdesip, fınalda qaı komandanyń oınaıtynyn anyqtady. Nátıjesinde, fınaldyq oıynda Alash komandasyn 5:3 esebimen jeńgen Namys komandasynan jasaqtalǵan «Abaı» mektebi jeńimpaz atansa, úshinshi oryndy «Birlik» komandasynan 2:1 esebimen basym bolǵan «Qazǵarysh» mektebi túıindedi.
– Bizge osyndaı týrnırler unaıdy. Sebebi bul týrnır jeńiske, chempıon bolýǵa yntalandyrady. Abay CUP týrnırin uıymdastyrýshylarǵa rahmet aıtamyn, – deıdi «Abaı» mektebiniń oqýshysy Zańǵar Ábdikerim.
Sondaı-aq komandalardan bólek, jekeleı oıynshylardyń da sheberligi eskerildi. «Eń úzdik qaqpashy» atalymy – Ánýar Jaqanǵa (Namys), «Eń úzdik qaqpashy» – Jalǵas Serikke (Alash), «Eń úzdik qorǵaýshy» – Darhan Shákirge («Birlik»), «Eń úzdik shabýylshy» – Álıhan Dáýletbekke («Qazǵarysh»), «Eń úzdik oıynshy» Mansur Amangeldige (Alash) buıyrdy.
