Otandyq jankúıerler 16 maýsymdy asyǵa kútip otyr. Dál sol kúni Cheshenstannyń ASA promoýshenniń muryndyq bolýymen ótip jatqan Gran-prı dodasynyń jeńil salmaqtaǵy (70,3 kılo) jeńimpazy anyqtalady. Básekede altyn belbeý úshin «Spartak» degen janama esimge ıe bolǵan jerlesimiz Artem Reznıkov pen Reseıdiń myqtysy Edýard Vartanıan kúsh synasady. Esterińizge sala keteıik, atalǵan jarystyń júlde qory 1 mıllıon AQSh dollaryn qurap otyr.
Artem Reznıkov – Shyǵys Qazaqstan oblysy Rıdder qalasynyń týmasy. Alǵashynda ol erkin kúrespen aınalysyp, birqatar jarystarda júlde alyp júrdi. Keıinnen beınetaspalar arqyly Reseıdiń dańqty sportshysy Fedor Emelıanenkonyń ónerine súısinip, aralas jekpe-jekpen shuǵyldanamyn degen sheshim qabyldaǵan. 2014-2021 jyldar aralyǵynda «Alash Praıd» klýby uıymdastyrǵan jarystarda toǵyz kezdesý ótkizip, barlyǵynda basymdyq tanytty. 2014 jyldyń kúzinde Artem sol kezde Reseıdiń týy astynda óner kórsetip, keıinnen Qazaqstanǵa qonys aýdarǵan Georgıı Kıchıgınnen upaı sanymen utyldy.
Bastapqy kezeńderde respýblıka aýmaǵynda ǵana aıqasqan Artem 2016 jyldyń aqpan aıynda alǵash ret shetelge shyqty. О́kinishke qaraı, Reseıdiń Novosibir qalasynda ótken jarysta jerlesimiz Mıhaıl Sarevqa ese jiberdi. Odan keıin bir jyldan asa ýaqyt aralyǵynda taǵy tórt básekede jeńilistiń kermek dámin tatty. Atap aıtsaq, Ammanda ıordanııalyq Iаrra Hýseınnen, Sankt-Peterbýrgte reseılik Dmıtrıı Aryshevten, Bishkekte Danııar Babaqulovtan jáne Almatyda ózbekstandyq Nursultan Razıboevtan jeńildi.
– Qatarynan bes jekpe-jekte jeńilý eshbir adamǵa abyroı ápermeıtini anyq. Ondaı jaǵdaıda sportshylar psıhologııalyq kúızeliske túsedi. Tipten oktagonmen qosh aıtysyp jatqandar da emes. Reznıkov te sondaı qıyn kezeńdi basynan ótkizdi. Sol ýaqytta osy salanyń basy-qasynda júrgen azamattardyń tarapynan «Oǵan sportty qoıý kerek. Dál osyndaı qarqynymen Artem alysqa barmaıdy» degen syńaıda áńgimeler de aıtyldy. Biraq jerlesimizdiń jigeri muqalmady. Ol óziniń juldyzdy sátteri alda ekenine sendi. Sol úshin erinbeı eńbektenip, jattyǵý zalynda kóp ter tókti. Nátıjesi ózderińizge málim. 2017 jyldyń qarasha aıynan beri 10 ret oktagonǵa shyqqan Reznıkov barlyq básekeni óz paıdasynan sheshti. ASA-nyń Gran-prıinde de ol óte jaqsy óner kórsetip júr. Atalǵan jarystyń altyn belbeýin ıelenýge Artem ábden laıyq dep esepteımin, – deıdi «Alash Praıd» klýbynyń prezıdenti Danııar Qasqaraýov.
Aıqas alańynda barlyǵy 30 kezdesý ótkizgen Artemniń 24 márte mereıi ústem boldy. 18 básekede aıqyn basymdyq tanytty. Jerlesimizden jeńilgender arasynda Hasan Halıev, Hamzat Aýshev, Iýsýf Raısov syndy tanymal sportshylar bar. Byltyr jazda tusaýy kesilgen Gran-prı týrnıriniń shırek fınalynda Reznıkov tóreshilerdiń sheshimimen brazılııalyq Deıvı Ramosty utsa, jartylaı fınalda Reseıdiń ókili Andreı Koshkındi «qylqyndyryp» tastady.
11 maýsymda 32 jasqa tolǵaly otyrǵan Edýard Vartanıan Armenııanyń astanasy – Erevanda dúnıege keldi. Keıinnen ata-anasymen birge Reseıge qonys aýdardy. Máskeýde ol jaýyngerlik sambo jáne mýaı-taımen aınalysty. Álem kýboginiń ıegeri degen ataǵy bar. Aralas jekpe-jekpen 2021 jyldan beri shuǵyldana bastady. Sol aralyqta 28 márte jarys kórkin qyzdyryp, 24 básekeni óz paıdasyna sheshti. 13 tartys merziminen buryn toqtatyldy. Gran-prı dodasynda Vartanıan kongolyq Aleın Ilýnga men reseılik Iýsýf Raısovty utty.
17 maýsymda alystaǵy Amerıkada UFC óziniń kezekti týrnırin uıymdastyrýdy josparlap otyr. Sol jarysta asa jeńil salmaqtaǵy Jalǵas Jumaǵulovqa jankúıer bolamyz. Álemdegi eń beldi promoýshende kúsh synasyp júrgen 34 jastaǵy qazaq faıteri osy kúnge deıin 22 kezdesý ótkizip, 14 ret jeńiske jetti. Segiz qarsylasyn merziminen buryn utty. 2020 jyly ol UFC-men kelsimshartqa otyrdy. Biraq ázirge Jalǵastyń joly ońǵarylatyn emes. Qandasymyz alty básekeniń bireýinde ǵana basymdyq tanytty. Qalǵan besýinde jeńilistiń kermek dámin tatty. Endi Jumaǵulov osy joly jeńilse, onda amerıkalyq uıymmen qosh aıtysatyny aıdan anyq. Sol sebepti de Jalǵas Las-Vegasta qalaı da jeńýge tıis.
Jerlesimizdiń qarsylasy – Felıpe Býnes. 33 jastaǵy Brazılııanyń sportshysy kezinde AQSh-tyń LFA jáne Reseıdiń ASA promoýshenderinde kúsh synasty. Onyń rekordy – 20 kezdesý, 13 jeńis, 10 nokaýt. 2020 jyldyń kókteminde Býnes Almatydaǵa sapar shegip, cheshenstandyq Imran Býkýevke upaı sanymen ese jibergeni de esimizde.
23 maýsymda Almatyda Ural FC pen Naiza promoýshenderi birlesken týrnır uıymdastyrýdy josparlap otyrǵany jaıynda biz buǵan deıin de jazǵanbyz. Sol jarystyń basty jekpe-jeginde asa aýyr salmaqtaǵy reseılik Vıacheslav «Sary Tarzan» Dasık pen qazaqtyń oǵylany Ǵalymjan «TT» Jasylanov kúsh synasady. Dál sol keshte atalǵan uıymdardyń chempıondyq belbeýiniń ıegeri Dáýren Ermekov óz ataǵyn saqtap qalý úshin Rýslan Shamılovpen sheberlik baıqasady. Orta salmaqtaǵy bul sportshylardyń rekordtary mynadaı: Dáýren – 22 kezdesý, 17 jeńis, 10 nokaýt. Rýslan – 15 kezdesý, 11 jeńis, 9 nokaýt. Aldaǵy jekpe-jekke qandasymyz Cheshenstannyń bas shahary – Groznyıda daıyndalyp jatyr.
15 shildede Las-Vegasta áli eshkimnen jeńilmegen Azat Maqsum amerıkalyq pomoýshendegi alǵashqy jekpe-jegin ótkizedi. Osy kúnge deıin túrli jarystarda 16 qarsylasyn jaıpap salǵan 27 jastaǵy qazaqtyń qaısar uly Taıson Nemmen judyryqtasady. Jasy 40-qa taıap qalǵan Gavaıı aralynyń týmasynyń kórsetkishi – 35 kezdesý, 21 jeńis, 14 nokaýt. Osydan bes jyl buryn Almatyda Taıson bizdiń Jalǵas Jumaǵulovpen jekpe-jekke shyǵyp, upaı sanymen utyldy.
5 tamyzda AQSh-tyń Neshvıll qalasynda Asý Almabaev ta UFC-degi tusaýkeser kezdesýin ótkizedi. 28 jastaǵy qandasymyz osy sport túrin serik etkeli 10 jyl boldy. 19 ret oktagonǵa shyqqan ol 17 básekede basymdyq tanytty. Segiz qarsylasyn sabmıshn ádisimen utsa, úsh básekelesin uryp jyqty. 2007 jyly Almabaev daǵystandyq Tagır Ulanbekov pen ázerbaıjandyq Mehman Mámedovke jol berdi. Odan keıin qatarynan 13 qarsylasyn jolynan yǵystyrdy. Asý 31 jastaǵy Iаmaıkanyń faıteri Ode Osbornmen kúsh synasady. Onyń rekordy – 17 jekpe-jek, 12 jeńis, 9 nokaýt. Osborn 2020 jyldan beri UFC-de baq synýda. Bul uıymda ol jeti ret aıqasyp, tórt ret jeńiske jetti.
