Teńizdiń bul tosyn minezi Aqtaý qalasyndaǵy jurtshylyqtyń nazaryn aýdardy. О́ıtkeni ári aýyz sý retinde tutynyp, ári tabıǵı demalys orny retinde paıdalanatyn Kaspııdiń ekologııasy Mańǵystaý halqy úshin asa mańyzdy. Máselege mán bergen óńirdegi Ekologııa departamenti ókilderi kóp uzamaı «teńiz sýynyń qaraıýyna shirigen baldyrlardyń ydyraýy, sondaı-aq sýdyń taıazdanyp turyp qalýy sııaqty uzaq merzimdi tabıǵı qubylystyń saldarynan teńiz túbindegi laıdyń shyǵýy sebep bolýy múmkin» degen pikir bildirdi jáne departament tıisti memlekettik organdarǵa hat joldaǵanyn habarlady.
Sonymen qatar «áleýmettik jelilerge júrgizilgen monıtorıng aıasynda 31 mamyrda Aqtaý qalasynyń 1-shaǵynaýdanyndaǵy jaǵajaı sýynyń lastanǵany týraly anyqtalǵan málimetke sáıkes tekserý barysynda Ekologııa departamentiniń mamandary oǵan mańaıyndaǵy zańsyz salynǵan pırster sebep bolǵanyn anyqtady» degen málimdeme bergen quzyrly mekeme.
Olardyń aıtýynsha, Aqtaý qalasy ákimdigi bul zańsyz buzý áreketteri boıynsha byltyrdan beri shara qabyldap keledi jáne bıyl 19 mamyrda pırsti buzý aıaqtalǵan. Qazir sýdyń tabıǵı jańarý úrdisi júrip jatyr eken. Jaǵajaıdyń bul tusy 2021 jylǵy 29 qazanynan bastap «Mangystau project» JShS basqarýyna berilgen. Endi kelisimshartqa sáıkes, jaqyn arada kásipker jaǵalaý aımaǵyn tazartý sharalaryn qolǵa almaq, ıaǵnı buzylǵan pırs ornyn tazartyp, jaǵalaý aımaǵyn dezınfeksııalaý jumystary júrgizilmek.
Artynsha jergilikti Ekologııa departamenti joldaǵan hat negizinde máselege quzyrly mınıstrlik ún qatty. «Mańǵystaý oblysy boıynsha Ekologııa departamentiniń mamandary jaǵdaıdyń sebebin anyqtaý maqsatynda tekserý jumystaryn júrgizdi. Saraptaý barysynda teńizdiń qara túske boıalýynyń sebebi shirigen teńiz ósimdikteri ydyraýynan jáne teńiz túbindegi kópjyldyq tabıǵı qubylystarǵa baılanysty tunbanyń jınalýynan ekendigi anyqtaldy. Alańdaýǵa esh negiz joq», deı kele, jaǵalaýdy laı men ózge de lastanýdan tazartý úshin qajetti sharalar atqarylyp jatqany týraly aqparatty joldady.
Mańǵystaý oblysy
