Buıyrǵany – 13 júlde

Jarystyń sońǵy kúnderi erkin kúres sheberleri bozkilemge shyǵyp, El namysyn 29 sportshy qorǵady. Senbide 97 kılo salmaqta kúsh synasqan Nursultan Azov qola medaldi moınyna ilse, Bekzat Úrkimbaı (97 kılo) besinshi oryndy qanaǵat tutty. Serik Baqythanov (97 kılo) jubanysh saıysynda súrinse, Omar Eıýbov (125 kılo) jáne Iýsýp Batyrmurzaev (125 kılo) al­ǵashqy aınalymnan asa almady.

Jeksenbide taǵy segiz salmaq dárejeleriniń júldeleri sarapqa salyndy. Bizdiń jankúıerler 74 kılodaǵy balýandardyń básekesin taǵatsyzdana kútti. О́ıtkeni el namysyn qorǵaǵan ba­lýandardyń barlyǵynyń da ata­ǵy alysqa jaıylǵan edi. Olar – Nurqoja Qaıpanov, Danııar Qaı­sanov jáne Darhan Esenǵalı. Alǵashqy ekeýi álem chempıonattarynda júlde alyp, Azııanyń eki dúrkin chempıo­ny atanǵan apaı­tóster. Darhan bıyl As­tanada shymyldyǵy túrilgen sary qurlyqtyń bas­ty dodasyn­da qarsylas shaq keltirmedi. Biraq Qaıpanov pen Qaısanovtyń dáýiri ótken sekildi. Kezinde ekeýi elishilik jarys­tarda aldaryna jan salmaı, bas júldeni ózara sarapqa salatyn. Keıingi ýaqytta olardy jalyndy jastar yǵystyra bastady. Bishkektegi básekeniń ekinshi keze­ńinde Nurqoja tájikstandyq Magomed Evolovqa ese jiberse, Danııar mońǵolııalyq Sýmııabazar Zanbanbýdqa jol berdi. Al Darhan Ázerbaıjannyń ókili Hadjımýrat Gad­jıevten jeńildi. Sóıtip, bar­lyǵy da elge quralaqan oraldy.

Jerlesterimizge bul jarysta bes júlde buıyrdy. Biraq ba­lýandardyń eshqaısysy altyn tuǵyrǵa kóterile almady. Eń úzdik kórsetkishke Talǵat Syrbaz qol jetkizdi. 70 kılo salmaqta synǵa tús­ken ol grýzııalyq Georgıı El­­bakıdze men qyrǵyzstandyq Er­na­zar Akmatalıevten aılasyn asyr­ǵanymen, fınalda taǵy bir jer­gilikti sportshy Orozbek Tok­to­mambetovten bir ǵana upaı aıyr­­mashylyǵymen jeńildi. Ná­tı­je­sinde, Talǵat kúmis medal ıelendi.

Qyrǵyzstannyń astanasynda biz Azamat Dáýletbekovke aıryq­sha senim arttyq. 86 kılo sal­maqta kúresken ol Eýropa chem­­pıonatynyń eki dúrkin qola júl­degeri polshalyq Sebastıan Eze­­janskı men Álem kýbogi men qurlyq birinshiliginde jeńis tuǵyryna kóterilgen túrkııalyq Osman Gıochennen basym túsip, jartylaı fınalda álem jáne Eýropa chempıonattarynyń júldegeri ázerbaıjandyq Abý­bakr Aba­karovpen aıanbaı aıqasty. Bul bá­sekeniń taǵ­dy­ryn bir ǵana upaı sheshti. Úshinshi oryn úshin ótken tartys­ta qan­dasymyz qyrǵyzstandyq Nurtilek Qaryp­baevty qapy qal­dyrdy. Dáýlet­bekov­pen qatar, Meırambek Qart­baı (57 kılo) men Jiger Zákirov (79 kılo) te qola medaldi moıyn­daryna ildi.

Jalpykomandalyq esepte j­arys qojaıyndary kósh bas­tady. Olar 3 altyn, 2 kúmis jáne 4 qolany oljalady. Odan keıingi satylarǵa Grýzııa (3+1+1), Bahreın (2+1+0), Ázer­baıjan (1+2+1), Moń­ǵolııa (1+1+0), Qa­zaqstan men Qytaı (0+1+4), О́z­bekstan (0+1+2) jáne Túr­kııa men Tájikstan (0+0+2) qu­ra­malary jaıǵasty. Kúrestiń úsh túrin qosqanda jerlesterimiz atal­ǵan reıtıngtik jarysta 13 (3+3+7) júl­dege ıelik etti.