Ǵaryshtyq tehnologııa startaptary

Sonymen qazylardyń sheshi­mimen «IoVIT» – «Eń úzdik ınno­va­sııalyq startap», «SkillSat» – «Adamzat úshin asa baǵaly joba» jáne «Orbıtalnyı ekspress» – «Bolashaqta ǵaryshty ıgerýshi» retinde tanyldy. Jalpy, júlde qo­ryndaǵy 15 myń dollardy je­ńim­pazdar ózara bólip aldy.

– Bizdiń startap shaǵyn qu­­ryl­ǵylar-nanospýtnıkterdi quras­ty­ryp, iske qosý úshin bilim berý jı­naqtaryn usynady. Bul ıdeıa ma­ǵan 2019 jyly Baıqońyr ǵarysh aı­laǵyn alǵash ret kórgende kel­gen-di. Biz «Space Tech Battle»-dy kóp­ten kúttik. О́z elektronıkasy men tehnologııalaryn paıdalanatyn apparattyq startaptar úne­mi kóleńkede qalatyn. Sondyqtan «Astana Hub» jáne Sıfrlyq damý, ınnovasııalar jáne aeroǵarysh ónerkásibi mınıstrligi josparla­ǵan osyndaı is-sharanyń júzege asyrylǵanyna qýanyshtymyn. Ol jalǵasyn taýyp, «SpaceTech» akseleratorlary paıda bolsa eken, – dedi «SkillSat» negizin qalaýshy ári bas dırektory Abylaıhan Muhamedjanov.

Sondaı-aq forýmda «Silkway Accelerator Pitch Marathon» barysynda alty startap («BILLZ», «Kid Security», «Trust Contract», «Prosper Pay», «Codify», «Voiceloft») – «Astana Hub» pen «Google for Startups» birlesken akselerasııalyq baǵdarlamasynyń qatysýshylary óz jobalaryn ınvestorlardyń, iri korporasııa men venchýrlyq qor ókilderiniń nazaryna usyndy.

– «Space Tech» – bizdiń tehnopark úshin basym baǵyttardyń biri. Men osy alańda eki mańyzdy is-shara – «Space Tech Battle» jáne «Silkway Accelerator Pitch Marathon» ótkizýge múmkindik bergen forým uıymdastyrýshylaryna alǵys aıtamyn. Bul jas kompanııalardyń ózderin kórsetip, damýyna tamasha múmkindik, – dedi «Astana hub» bas dırektory Maǵjan Mádıev.

Eske sala keteıik, 2 maýsymda Almatyda «Central Eurasian Venture Forum» uıymdastyryl­dy. Oǵan ınvestorlar, startaptar jáne star­tap ekojúıesiniń bas­­qa da ókil­deri qatysty. Qys­qa­sy, is-shara tutas Ortalyq Eýra­zııa­­ny qam­ty­dy. Negizgi uıym­das­tyrý­shy­lar – «MOST» holdıngi jáne sınga­pýr­lyq «Investbank» («Paladigm Capital») platformasy. Forým aıasyn­­da Sıfrlyq damý jáne aero­ǵa­rysh ónerkásibi mınıstrligi já­ne «Inspirations» seriktestigimen bir­lesip «Astana Hub» halyqaralyq teh­noparki «Space Tech Battle» jáne «Silkway Accelerator Pitch Marathon» uıymdastyrdy. Forýmǵa 400-den as­tam startap jáne 600 jeke ınves­tor­lar, venchýrlyq qorlar men kor­po­­rasııalardyń ókilderi qatys­ty. In­vestor-startap kezdesýleri, startap ja­rystary jáne kelissózder ba­ry­­synda startaptar birinshi kezeń­de 8 mln dollar ınvestısııa tartqa­nyn aıta keteıik. Osylaısha, byltyrǵy ­­5 mln dollarlyq rekord jańartyldy.