Bul reıtıngte Baktıer Zaınýtdınov kósh bastap tur. 25 jastaǵy fýtbolshynyń transferlik quny 5 mıllıon AQSh dollaryn quraıdy. Qazirgi kezde ol Máskeýdiń SSKA klýbynda óner kórsetedi. Ekinshi orynda – Nuráli Álip. Búgingi tańda Sankt-Peterbýrgtiń «Zenıti» sapynda oınap júrgen aqtaýlyq qorǵaýshy 1,2 mıllıonǵa baǵalanyp otyr. Úshinshi jáne tórtinshi satyǵa Aleksandr Merkel men Marat Bystrov jaıǵasty. Alǵashqysy sońǵy eki maýsymdy Túrkııanyń «Gazıantepinde» ótkizse, ekinshisi Groznyıdyń «Ahmatynyń» tasqamal qorǵaýshysyna aınaldy.
Sondaı-aq bul tizimde myna fýtbolshylar bar: Abat Aıymbetov («Astana») – 900 myń, Ashat Taǵybergen («Ordabasy») – 850 myń, Georgıı Jýkov («Sanchjoý Maıtı Laıons», Qytaı) – 750 myń, Temirlan Erlanov («Ordabasy») – 700 myń, Artýr Shýshenachev («Qaırat») – 700 myń jáne Maksım Samorodov («Aqtóbe») – 700 myń AQSh dollary.
