Atalǵan jarystyń tusaýy 1987 jyly kesildi. Sol aralyqta jergilikti veloshabandozdar eń kóp oljaǵa keneldi. Olar 15 dodada teńdessiz dep tanyldy. Belgııanyń betkeustarlaryna alty bas júlde buıyrsa, danııalyqtar eki ret daralandy. Sondaı-aq Aýstralııa, Fransııa, Italııa, Norvegııa, Ýkraına, AQSh jáne Portýgalııanyń ókilderi bir-bir retten top jardy. Jekelegen sportshylar arasynda eń úzdik kórsetkishke belgııalyq Fılıpp Jılber qol jetkizdi. Ol úsh jarysta aldyna jan salmady. Qazaqstannyń órenderi arasynda Andreı Kashechkın de kezinde kózge túsken. 2000 jyly jerlesimiz úshinshi orynǵa taban tiredi.
Qyzǵaldaqtar elinde ótip jatan jarysta bıyl «Astananyń» namysyn Martın Laas, Keıs Bol, Mark Kavendısh, Davıde Martınellı, Gleb Syrısa, Iýrıı Natarov jáne Nurbergen Nurlyqasym qorǵaıdy.
