Vision Pro-nyń basty artyqshylyǵy - onyń ámbebap ınterfeısi, ol 3D áserin keremet usynyp, vırtýaldy álemdi shynaıy etip kórsetedi. Paıdalanýshylar qımyldar, daýys jáne kóz qımyldary arqyly qurylǵyny tolyǵymen basqara alady.
Vision Pro-nyń taǵy bir ereksheligi vırtýaldy kólemdi keńistikte bir ýaqytta birneshe qosymshany ashý múmkindigi bar. Garnıtýra korpýsyndaǵy Digital Crown dóńgelegi paıdalanýshylarǵa terezelerdiń ornalasýyn, sonyń ishinde olardyń keńistiktegi tereńdigin retteýge múmkindik beredi. Sonymen qatar vision Pro qoldyń, saýsaqtardyń jáne kózdiń qozǵalysyna jaýap beretin kontrollerlerdi qajet etpeıdi.
EyeSight - bul garnıtýranyń taǵy bir qyzyqty múmkindigi, ol syrtqy álemmen qarym-qatynas jasaǵanda paıdalanýshylardy korpýsta kórsetedi.
Vision Pro arqyly siltemelerdi bir ýaqytta ashyp, Safari braýzerinde jumys isteýge, sondaı-aq MacBook ekranyn vırtýaldy keńistikke qoldanýǵa jáne tasymaldaýǵa bolady.
Vision Pro-nyń basqa múmkindikteriniń qatarynda fılmderdi 3D formatynda kórý, panoramalyq fotosýretterdi qaraý, sondaı-aq Vırtýaldy keńistiktegi úsh ólshemdi nysandardy qoldaıtyn júzdegen qosymshalardy paıdalaný múmkindigi bar.
Vision Pro garnıtýrasy jeńil jáne berik materıaldardan jasalǵan, bul paıdalaný kezinde jaılylyq pen beriktikti qamtamasyz etedi. Ol sondaı-aq joǵary sapaly microLED dıspleılerimen jabdyqtalǵan, olar 23 mıllıon pıksel ajyratymdylyǵymen móldir sýretti usynady. LiDAR qosa alǵanda, 12-den astam kamera men jetildirilgen sensor Vision Pro paıdalanýshynyń egjeı-tegjeıli sandyq Avataryn jasaıdy, ony kóptegen qosymshalarda qoldanýǵa múmkindik beredi.
Vision Pro qaýipsizdigi úshin Optic ID tehnologııasy qoldanylady. Garnıtýra qurylǵynyń ıesin kózdiń torly qabyǵyn skanerleý arqyly tanıdy. Barlyq bıometrıkalyq aqparat shıfrlanǵan jáne qupııalylyqty qorǵaýdy qamtamasyz etý úshin barlyq aqparat qurylǵynyń ózinde qalady.
2024 jyldyń basynda Vision Pro satylymǵa shyǵady. Ol 3499 dollarǵa baǵalanyp otyr. Alaıda, osy ýaqytqa deıin Apple óziniń dúkenderinde demonstrasııalyq aımaqtardy ashady, onda barlyq adamdar garnıtýrany synap kóre alady jáne onyń keremet múmkindikterin baǵalaı alady.
Vision Pro paıdalanýshylarǵa biregeı jáne tolyǵymen jekelendirilgen tájirıbe usyna otyryp, tolyqtyrylǵan shyndyq aımaǵyna revolıýsııalyq ózgerister engizýde. Bul gadjettiń kómegimen vırtýaldy álemdegi adamnyń múmkindikteri shynymen sheksiz bola túsetini anyq.
Dıdar SERIKOV
L.N. Gýmılev atyndaǵy EUÝ stýdenti
