Komıtet tóraǵasy Nurtóre Júsip óz sózinde Memleket basshysy Qasym-Jomart Toqaev VIII saılanǵan Parlamenttiń birinshi sessııasynyń ashylýynda sóılegen sózinde buqaralyq sportty damytýdyń mańyzdylyǵy týraly aıtqanyn atap ótti. Bizdiń elimizde sońǵy jyldary buqaralyq sporttyń áleýmettik mańyzyn arttyrýda turaqty úrdis baıqalady. Senatordyń aıtýynsha, bul, eń aldymen, buqaralyq sportty damytýdy qoldaýda memlekettiń róli artyp kele jatqandyǵymen kórinedi.
«Bul kezdesýdiń maqsaty buqaralyq sport pen sport ınfraqurylymyndaǵy problemalarmen tanysý, olardy tezirek sheshý joldaryn qarastyrý jáne quqyq qoldaný prosesinde esepke alý bolyp tabylady. Búgingi taqyryp asa mańyzdy. О́ńirlerde osy salaǵa qatysty birqatar problema bar ekeni belgili», dep atap ótti Nurtóre Júsip.
Mádenıet jáne sport mınıstrliginiń ókilderi óz kezeginde senatorlarǵa salany damytý úshin qabyldanyp jatqan sharalar týraly aıtyp berdi. Olardyń aıtýynsha, dene shynyqtyrý jáne sport salasyndaǵy memlekettik saıasattyń strategııalyq maqsattary men mindetteri, sondaı-aq salany damytýdyń ózekti mindetterin eskere otyryp, olardy iske asyrý tetikteri 2023-2029 jyldarǵa arnalǵan dene shynyqtyrý men sportty damytýdyń tujyrymdamasynda, sondaı-aq 2020-2025 jyldarǵa arnalǵan buqaralyq sportty damytýdyń keshendi josparynda kórsetilgen.
Kezdesýge qatysýshylar sporttyq ınfraqurylymdy damytý jáne onyń qoljetimdiligin arttyrý jospary týraly aıtyp berdi. Sport nysandary jyl saıyn salynyp kele jatsa da áli de jetispeı otyr. Búgingi tańda eldegi ınfraqurylymǵa qajettilik 50% quraıdy.
Otyrysqa Senat depýtattary, QR Mádenıet jáne sport, Bilim jáne densaýlyq saqtaý mınıstrlikteriniń ókilderi, máslıhat depýtattary, sport uıymdarynyń ókilderi qatysty.
Senatorlar kezdesý sońynda qorytyndy ázirlenetinin jáne ondaǵy usynymdar Úkimetke jiberiletin atap ótti.
