Onyń aıtýynsha, alǵashqy «baýyr basqan» jylanyn Djavanna dep ataǵan eken. Alaıda ol tórt jyl buryn ólip qalǵan. Al ekinshi jylandy Malaızııadan 1 mln teńgege satyp alǵan.
– Úsh jyldan beri ósirip otyrmyn. Aty – Grafınıa. Qazir 5 jastaǵy jylannyń uzyndyǵy 3 metrge, salmaǵy 30 kıloǵa jetti. Jylan da jóteledi, túrli aýrýmen aýyrady. Ony ýaqytynda emdeý qajet. Bul – qolǵa tez úırenetin tirshilik ıesi. Biraq ashýlandyrsa, shaǵyp alýy ǵajap emes, – deıdi Saltanat О́mirbaıqyzy.
Ol jylandy úıindegi arnaıy torda ustaıdy. Kún saıyn shomyldyryp, erekshe kútim jasaıdy. Zoodúkennen alǵan taǵammen aptasyna eki ret tamaqtandyrady. Sýdy kún saıyn beredi.
– Jylannyń aıyna bir ret jalqaýlyǵy ustaıdy. Kózin ashyp uıyqtaıdy. Dostarym túrli basqosýǵa bıleýge shaqyryp turady. Sondaı basqosýdyń birinde qusyp qoıyp, uıatqa qaldyrdy. Taǵy birde meni tunshyqtyryp, esimnen tanyp qaldym. О́ıtkeni quıryǵy edenge tıip tursa, osyndaı óreskel áreketke barady. Munyń bári sharshaǵanynan bolǵan ǵoı, – deıdi ol.
Saltanat О́mirbaıqyzynyń eki hobbıi bar. Biri – jylyjaıda túrli jemis ósirý, al ekinshisi – jylanmen bıleý. О́ıtkeni bala kezinen bı úıirmesine qatysqan.
Atyraý oblysy
