Shymkentte «Turan» «Astanany» qabyldady. Alǵashqy goldy 29-mınýtta qonaqtar sapyndaǵy zambııalyq legıoner Dembo Darbo soqsa, 75-mınýtta Zıkrıllo Sultanııazov tarazy basyn teńestirdi – 1:1. Birinshi matchta elordalyqtar 2:0 esebimen jeńiske jetken edi. Sol sebepti de «Astana» jartylaı fınalǵa joldama aldy. Petropavldaǵy «Jastar» stadıonynda jergilikti «Qyzyljar» men Shymkenttiń «Ordabasy» kúsh synasty. Bul básekede jalǵyz goldy 73-mınýtta Mladen Veselınovıch saldy. Biraq alǵashqy oıyndaǵy jeńisiniń arqasynda ońtústik ókilderi kelesi kezeńge shyqty. Almatyda teń nátıjege qol jetkizgen «Atyraý» óz alańynda «Qaıratty» 2:1 esebimen utty. Kezdesý barysynda Nsýngýsı Effıong dýbldiń avtory atansa, Iаn Trýfanov bir márte mergendik tanytty. «Tobyl» Qaraǵandyda «Shahterden» 0:1 esebimen jeńilgenine qaramastan, qos matchtyń qorytyndysy boıynsha qostanaılyqtar óz josparyn júzege asyrdy.
Jartylaı fınalda «Astana» men «Ordabasy» jáne «Tobyl» men «Atyraý» kúsh synasady. Bul oıyndar 28 maýsym men 8 shildede ótedi.
