«Meniń Qazaqstanmen erekshe baılanysym týraly aıttyńyz. Iá, anam Ekinshi dúnıejúzilik soǵys kezinde Qazaqstanda alty jyl ómir súrdi. Anam sol qıyn-qystaý shaqta qazaq halqy olarǵa meıirimdilik tanytqanyn únemi aıtyp otyratyn. Sondyqtan meniń Qazaqstanǵa degen kóńilim erekshe. Sizdi Astana halyqaralyq forýmyn tabysty ótkizýińizben quttyqtaımyn. Sizdiń sóılegen sózińizdi aıryqsha yqylaspen tyńdadym. Durys aıtasyz, bizge syn-qaterlerdi anyqtap, túıtkilderdi sheshý úshin ortaq dıalog qajet. Jahandyq deńgeıdegi qazirgi kúrdeli máseleniń biri – azyq-túlik qaýipsizdigi», dedi Eýrokomıssar.
